Vintage Car Rally: ଗୁଜୁରାଟରେ ବିଶାଳ ଭିଣ୍ଟେଜ କାର ରାଲି, ବିଶ୍ବକୁ ଦେଲା ଏକତାର ବାର୍ତ୍ତା

ଗାନ୍ଧୀନଗର: ଭାରତ ସ୍ବାଧୀନତାର ୭୫ବର୍ଷ (75th independence of India) ପାଳନ କରୁଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 'ଆଜାଦୀ କା ଅମୃତ ମହୋତ୍ସବ' ଆରମ୍ଭ କରିଛନ୍ତି । ଏହି ଅବସରରେ ଭଦୋଦରା ଲକ୍ଷ୍ମୀ ବିଳାସ ପ୍ୟାଲେସ ଠାରୁ ପ୍ରାୟ ୭୫ଟି ଭିଣ୍ଟେଜ କାର ରାଲି ବିଶ୍ବର ସର୍ବୋଚ୍ଚ ପ୍ରତିମୂର୍ତ୍ତି 'ଷ୍ଟାଚ୍ୟୁ ଅଫ ୟୁନିଟି' ନିକଟରେ ପହଞ୍ଚିଛନ୍ତି (Vintage car rally in Statue of Unity) । ଏହି କାର ରାଲି ପର୍ଯ୍ୟଟକଙ୍କୁ ବେଶ ଆକର୍ଷିତ କରିଛି । ଯେତେବେଳେ ଏହି କାର ଷ୍ଟାଚ୍ୟୁ ଅଫ ୟୁନିଟି ନିକଟରେ ପହଞ୍ଚିଥିଲା ସେଠାରେ ଥିବା ପର୍ଯ୍ୟଟକ ବେଶ ଉତ୍ସାହିତ ହୋଇପଡ଼ିଥିଲେ । ଏହି ବିଶାଳ ରାଲିରେ ସ୍ବାଧୀନତା ପୂର୍ବର କେତେକ କାର ସାମିଲ ହୋଇଥିଲେ । ବିଶ୍ବକୁ ଏକତାର ବାର୍ତ୍ତା ଦେବା ଉଦ୍ଦେଶ୍ୟରେ ଆୟୋଜିତ ହୋଇଥିଲା ଏହି ରାଲି । ଗୁଜୁରାଟ ପର୍ଯ୍ୟଟନ ବିଭାଗ ଏହି ରାଲିର ଆୟୋଜନ କରିଥିଲା । ଦେଶ ସ୍ବାଧୀନତାର ୭୫ବର୍ଷ ପାଳୁଥିବାରୁ ଏଥିରେ ୭୫ଟି ଭିଣ୍ଟେଜ କାର ସାମିଲ ହୋଇଥିଲେ ।