Watch: ପାହାଡରୁ ଝରି ଆସୁଛି ଦୁଗ୍ଧ ଭଳି ଜଳଧାରା, ରୋମାଞ୍ଚିତ ହେଉଛନ୍ତି ପର୍ଯ୍ୟଟକ

ଡେରାଡୁନ: ପିଥୋରଗଡ ଜିଲ୍ଲା ଦେବଭୂମି ଉତ୍ତରାଖଣ୍ଡର ଅନ୍ୟତମ ପର୍ଯ୍ୟଟନସ୍ଥଳୀ । ତିବ୍ବତ ଓ ନେପାଳ ସୀମାକୁ ଲାଗିଥିବା ପିଥୋରଗଡ ପ୍ରାକୃତିକ ସୌନ୍ଦର୍ଯ୍ୟର ଗନ୍ତାଘର । ଏହି ଜିଲ୍ଲା ଝରଣାର ଭୂମି ଭାବେ ଜଣାଶୁଣା । ବିଶେଷକରି ଏଠାରେ ଥିବା ବିର୍ଥି ଜଳପ୍ରପାତ ବିଶ୍ବର ମନୋରମ ଆକର୍ଷଣୀୟ ଜଳପ୍ରପାତ ମଧ୍ୟରୁ ଅନ୍ୟତମ । ୧୫୦ ମିଟର ଉଚ୍ଚରୁ ପାହାଡର ବକ୍ଷ ଚିରି କୁଳୁ କୁଳୁ ନାଦରେ ଝରି ଆସୁଥିବା ଏହି ଜଳପ୍ରପାତକୁ ଥରୁଟିଏ କେହି ଦେଖିଲେ ବାରମ୍ବାର ଏଠାକୁ ଆସିବାକୁ ମନ ବଳାଇଥାଏ  । ଏହି ଜଳପ୍ରପାତର ଧଳା ରଙ୍ଗ ବା ଦୁଗ୍ଧ ଭଳି ଦିଶୁଥିବା ଜଳଧାରା ପର୍ଯ୍ୟଟକଙ୍କୁ ରୋମାଞ୍ଚିତ କରିଥାଏ  । ଯାହାକୁ ଦେଖିଲେ ପାହାଡରୁ ଦୁଗ୍ଧ ଭାସି ଆସିଲା ପରି ପ୍ରତୀତ ହୁଏ  । ବିର୍ଥି ଜଳପ୍ରପାତ ପିଥରଗଡ ଜିଲ୍ଲାର ଆକର୍ଷଣର କେନ୍ଦ୍ରବିନ୍ଦୁ, ଯାହାକି ବିର୍ଥି ଝାରନ ଜିଲ୍ଲା ମୁଖ୍ୟାଳୟ ଠାରୁ ୯୦ କିଲୋମିଟର ଦୂରରେ ଅବସ୍ଥିତ  । ଦେଖନ୍ତୁ ଏହି ମନୋରମ ଦୃଶ୍ୟକୁ  

ବ୍ୟୁରୋ ରିପୋର୍ଟ, ଇଟିଭି ଭାରତ