ଜଟଣୀରେ ଜମୁଛି ବାଣ ବ୍ୟବସାୟ

ଖୋର୍ଦ୍ଧା: ଆଉ ଦିନ କେଇଟା ପରେ ଆଲୋକର ପର୍ବ ଦୀପାବଳି । ଦୁଇ ବର୍ଷ ଧରି କରୋନା କଟକଣା ପାଇଁ ଆଲୋକର ପର୍ବ ଫିକା ପଡିଥିବା ବେଳେ ଚଳିତ ବର୍ଷ ବିନା କଟକଣାରେ ଦୀପାବଳିକୁ ଧୁମଧାମରେ ପାଳିବେ ରାଜ୍ୟବାସୀ । ଏନେଇ ବିଭିନ୍ନ ସ୍ଥାନରେ ଖୋଲିଛି ବାଣର ପସରା । ବିଭିନ୍ନ ପ୍ରକାରର ବାଣ ଏବେ ବଜାରରେ ବିକ୍ରି ହେଉଛି । ବିଶେଷ କରି ଓଡ଼ିଶାର ଶିବକାଶୀ କୁହାଯାଉଥିବା ଜଟଣୀ ସହରରେ ଜମିଲାଣି ବାଣ ବ୍ୟବସାୟ । ଚଳିତବର୍ଷ 48ଟି ବାଣ ହୋଲସେଲ ଦୋକାନ ଖୋଲିଥିବା ବେଳେ ଭଲ ବ୍ୟବସାୟ ପାଇଁ ଆଶା ରଖିଛନ୍ତି ବ୍ୟବସାୟୀ । ଚଳିତବର୍ଷ କମ ପ୍ରଦୂଷଣ କରୁଥିବା ଗ୍ରୀନ କ୍ରାକର ଚାହିଦା ଅଧିକ ରହିଥିବା ବେଳେ ନୂଆ ନୂଆ ଭେରାଇଟିର ବାଣ ବଜାରକୁ ଆସିଥିବା ବ୍ୟବସାୟୀ କହିଛନ୍ତି । କିନ୍ତୁ ଚଳିତବର୍ଷ ବାଣ ଦର ପୂର୍ବବର୍ଷ ଅପେକ୍ଷା 40 ପ୍ରତିଶତ ବୃଦ୍ଧି ହୋଇଥିବା ଜଣାପଡିଛି । ଇଟିଭି ଭାରତ, ଖୋର୍ଦ୍ଧା