ବିଲରେ ହଳ କଲେ ମାଣ୍ଡିଆ ମଞ୍ଜି ବୁଣିଲେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ଧାମି

ଡେରାଡୁନ: କ୍ଷେତରେ ମୁଖ୍ୟମନ୍ତ୍ରୀ । ମାଣ୍ଡିଆ ମଞ୍ଜି ବୁଣିଲେ ପାୱାର ଟିଲରରେ ହଳ କଲେ । ମାଣ୍ଡିଆ ଚାଷ ପାଇଁ ଲୋକଙ୍କୁ ଉତ୍ସାହିତ କରିବାକୁ ନିଜେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍ପର ସିଂ ଧାମୀ ବିଲରେ ମାଣ୍ଡିଆ ବଣିବା ସହ ପାୱାର ଟିଲର ଧରି ହଳ କରୁଥିବା ଦେଖିବାକୁ ମିଳିଛି । ଦୁଇ ଦିନିଆ ଉତ୍ତରକାଶୀ ଗସ୍ତରେ ଥିବା ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍ପର ସିଂ ଧାମୀ ସିରୋର ନେତାଲି ଗସ୍ତ କରିଥିଲେ । ଆଜି ଭାଟୱାଡି ଗସ୍ତ କରି ମାଣ୍ଡିଆ ଚାଷର ପ୍ରୋତ୍ସାହନ ପାଇଁ ମହିଳାଙ୍କୁ ମାଣ୍ଡିଆ ମଞ୍ଜି ପ୍ରଦାନ କରିଥିଲେ । ମାଣ୍ଡିଆ ଚାଷ ପାଇଁ ଲୋକଙ୍କୁ ଉତ୍ସାହିତ କରିବାକୁ ନିଜେ କ୍ଷେତରେ ମାଣ୍ଡିଆ ବୁଣିବା ସହ ହଳ କରିଥିବା ଦେଖିବାକୁ ମିଳିଛି । ମୁଖ୍ୟମନ୍ତ୍ରୀ କହିଛନ୍ତି, ''ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ମାଣ୍ଡିଆର ଚାହିଦା ବଢୁଛି । କେବଳ ଦେଶରେ ନୁହେଁ ବିଶ୍ବରେ ମଧ୍ୟ ମାଣ୍ଡିଆର ଚାହିଦା ବଢିଛି । ରାଜ୍ୟ ମିଲେଟ ମିଶନରେ 73କୋଟି ପ୍ରଦାନ କରାଯାଇଛି ।'' ମୁଖ୍ୟମନ୍ତ୍ରୀ ପୁଷ୍ପର ସିଂ ଧାମୀ ମାଣ୍ଡିଆ ମଞ୍ଜି ବୁଣିବା ସହ ହଳ କରୁଥିବାର ଏକ ଭିଡିଓ ସୋସିଆଲ ମିଡିଆରେ ଭଇରାଲ ହୋଇଛି । ଯାହାକୁ ସମସ୍ତେ ପସନ୍ଦ କରୁଛନ୍ତି ।