ତିନି ବନ୍ଧୁ, ଗୋଟିଏ ଖୁଆଡରେ ସିଂହ ବାଘ ଓ କୁକୁର !

ହାଇଦ୍ରାବାଦ : ଆଶ୍ଚର୍ଯ୍ୟ ହେଲେବି କଥାଟି ସତ । ଶୀକାର ଆଉ ଶିକାରୀ ଗୋଟିଏ ଖୁଆଡ଼ରେ । ଗୋଟିଏ ଖୁଆଡ଼ରେ ସିଂହ ବାଘ ଆଉ କୁକୁର । ହେଲେ କେହି କାହାକୁ ଆକ୍ରମଣ କରୁନାହାନ୍ତି । ବରଂ ତିନି ପ୍ରାଣୀ ବନ୍ଧୁତାର ବନ୍ଧନରେ ବାନ୍ଧି ହୋଇଛନ୍ତି । ଏକାଠୀ ଖେଳକୁଦ ସହିତ ରହୁଛନ୍ତି ଏକାଠୀ । ତେବେ କୁକୁରକୁ ନେଇ ବେଶୀ ଉତ୍ସାହିତ ବାଘ ଆଉ ସିଂହ । କୁକୁର ଆଉ ବାଘ ଖେଳରେ ମାତିଛନ୍ତି । ତେବେ ବାଘ ଅପେକ୍ଷା କୁକୁର ହିଁ ବେଶୀ ବାଘକୁ ଆକ୍ରମଣ କରୁଛି । କେତେବେଳେ ବାଘର ଗାଲକୁ ତ କେତେବେଳେ କାନକୁ ଟାଣିଧରୁଛି । ବାଘ ଯେତେବେଳେ କୁକୁରକୁ ଆକ୍ରମଣ କରୁଛି ସେତେବେଳେ ହଠାତ୍ ସିଂହ ଆକ୍ରମଣ କରୁଛି ବାଘକୁ । ଏଭଳି ଏକ ରୋଚକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ତେବେ ଭିଡିଓଟି କେଉଁଠିର ସେନେଇ ଜଣାପଡ଼ିନି । ଏହି ଭିଡିଓକୁ ଟ୍ବିଟରରେ ସେୟାର କରିଛନ୍ତି ଜନୈକ ବ୍ୟକ୍ତି । ଦେଖନ୍ତୁ ଏହି ଭାଇରାଲ ଭିଡିଓ