Holi 2023: ଶୁଭେଚ୍ଛା ଜଣାଇଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଭୁବନେଶ୍ବର: ରଙ୍ଗର ପର୍ବ ହୋଲିରେ ଆଜି ରଙ୍ଗୀନ ହୋଇଛି ପୁରପ୍ଲଲ୍ଲୀ । ହୋଲିକୁ ନେଇ ସବୁଠି ଆଜି ଉତ୍ସବ ।  ଭଳି କି ଭଳି ରଙ୍ଗରେ ଭିଜିଛି ଗାଁଠୁ ସହର । ରାଜ୍ୟବାସୀଙ୍କୁ ହୋଲି ଶୁଭେଚ୍ଛା ଜଣାଇଛନ୍ତି ରାଜନେତାଙ୍କଠୁ ନେଇ ଅଭିନେତା । କେନ୍ଦ୍ରଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରାଜ୍ୟବାସୀଙ୍କୁ ହୋଲି ଶୁଭେଚ୍ଛା ଜଣାଇଛନ୍ତି । ହୋଲି ଶୁଭେଚ୍ଛା ଜଣାଇ ସମାଜରେ ଭାଇଚାର ଆହୁଲି ମଜଭୁତ ଏବଂ ପରସ୍ପର ମଧ୍ୟରେ ସ୍ନେହ ଓ ସମ୍ପର୍କ ଅତୁଟ ରହୁ ବୋଲି ମହାପ୍ରଭୁଙ୍କ ପାଖରେ ପ୍ରାର୍ଥନା କରିଛନ୍ତି ଧର୍ମେନ୍ଦ୍ର । କୋଭିଡ ପରେ ଧୁମଧାମରେ ପ୍ରଥମ କରି ହୋଲି ଖେଳାଯାଉଛି । ହୋଲି ରଙ୍ଗ ସମସ୍ତଙ୍କ ଜୀବନରେ ଆନନ୍ଦ, ହର୍ଷ ଓ ସମୃଦ୍ଧି ଆଣିଦେଉ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେହପରି ବଲିଉଡ ଅଭିନେତ୍ରୀ ପ୍ରିୟଙ୍କା ପାଣିଗ୍ରାହୀ ହୋଲି ଶୁଭେଚ୍ଛା ଜଣାଇ କହିଛନ୍ତି, ସମସ୍ତେ ସତର୍କତାର ସହ ହୋଲି ଖେଳନ୍ତୁ । ପରିବାର ସହ ଖୁବ ଧୁମଧାମରେ ହୋଲି ଉତ୍ସବ ପାଳନ୍ତୁ ।