NewYear2023: ୬୭୦ ଡ୍ରୋନ ଲାଇଟ ଶୋ'ରେ ରଙ୍ଗୀନ ହେଲା UAE ଆକାଶ, ରଚିଲା ବିଶ୍ୱରେକର୍ଡ

ଆବୁଧାବି: ସାରା ବିଶ୍ବରେ ନୂଆବର୍ଷ ୨୦୨୩କୁ ଧୁମଧାମରେ ସ୍ବାଗତ କରାଯାଇଛି (New Year 2023) । ଅନେକ ସ୍ଥାନରେ ହୋଇଛି ଜିରୋ ନାଇଟ ସେଲିବ୍ରେସନ । ଏହାରି ମଧ୍ୟରେ ନୂତନବର୍ଷରେ UAE ଆକାଶ ମଧ୍ୟ ହୋଇଛି ରଙ୍ଗୀନ । ଏଠାରେ ୬୭୦ଟି ଡ୍ରୋନକୁ ବ୍ୟବହାର କରାଯାଇ ଲାଇଟ ଶୋ'ର ଆୟୋଜନ ହୋଇଥିଲା । ପ୍ରାୟ ୧୧୦୦ ମିଟର ଉଚ୍ଚ ଆକାଶରେ ୪.୭କିମି ବ୍ୟାପି ଲାଇଟ ଶୋ' ହୋଇଥିଲା । ଆତସବାଜି ସାଙ୍ଗକୁ ଡ୍ରୋନରେ ଲାଇଟ ଶୋ ୟୁଏଇ ଆକାଶକୁ କରିଥିଲା ରଙ୍ଗୀନ (Light show with drone) । ଯାହାକି ଅତ୍ୟନ୍ତ ଚିତ୍ତାକର୍ଷକ ଥିଲା । ଏହାକୁ ଉପଭୋଗ କରିଥିଲେ ଲକ୍ଷ ଲକ୍ଷ ପର୍ଯ୍ୟଟକଙ୍କ ସମତେ ସ୍ଥାନୀୟବାସୀ । ଏହି ଲାଇଟ ଶୋ' ଗିନିଜ ୱାର୍ଲ୍ଡ ରେକର୍ଡ (Guinness World Records) କରିଥିବା ମଧ୍ୟ ଜଣାପଡ଼ିଛି । ପ୍ରାୟ ୧୨ ମିନିଟ ପର୍ଯ୍ୟନ୍ତ ଏହି ଲାଇଟ ଶୋ' ଦେଖିବାକୁ ମିଳିଥିଲା ।