କୂଆ ସଫା କରୁଥିବା ବେଳେ ଅଘଟଣ, ଚାଲିଗଲା ୨ ଜୀବନ

ଢେଙ୍କାନାଳ: ପରଜଙ୍ଗ ଥାନା ସରକୀଶରୀପାଳ ଗାଁରେ ଅଘଟଣ । କୂଅ ସଫା କରୁଥିବା ବେଳେ ୨ ଜଣଙ୍କର ମୃତ୍ୟୁ । ମୃତକ ୨ ଜଣ ହେଉଛନ୍ତି ସେହି ଗ୍ରାମର ଶଶିଭୂଷଣ ସାହୁ ଓ ଭଜମନ ବେହେରା । ସୂଚନା ଅନୁଯାୟୀ ଶଶିଭୂଷଣଙ୍କ କୂଅ ଦୀର୍ଘଦିନ ଧରି ଅପରିଷ୍କାର ହୋଇ ପଡ଼ି ରହିଥିଲା । କୂଅ ସଫା କରିବା ପାଇଁ ଶଶିଭୂଷଣ ଭଜମନ ବେହେରାଙ୍କ ସହଯୋଗ ଲୋଡ଼ିଥିଲେ । ଉଭୟ ଶଶିଭୂଷଣ ଓ ଭଜମନ ମିଶି ସଫା କରୁଥିଲେ । ହେଲେ କୂଅ ସଫା କରୁଥିବା ସମୟରେ ଉଭୟଙ୍କ ମୃତ୍ଯୁ ଘଟିଛି । ତେବେ ଅସାବଧାନତା କାରଣରୁ ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥିବା ଅନୁମାନ କରାଯାଉଛି । ସେପଟେ ଘଟଣାସ୍ଥଳରେ ପୋଲିସ ଓ ଦମକଳବାହିନୀ ପହଞ୍ଚି ମୃତଦେହ ଉଦ୍ଧାର କରିଛନ୍ତି । ମୃତଦେହ ବ୍ୟବଚ୍ଛେଦ ପାଇଁ ପରଜଙ୍ଗ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରକୁ ପଠାଇ ଅଧିକ ତଦନ୍ତ ଆରମ୍ଭ କରିଛି ପୋଲିସ । ଏପିର ଅଭାବନୀୟ ଘଟଣାକୁ ନେଇ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ।

ଇଟିଭି ଭାରତ, ଢେଙ୍କାନାଳ