Diwali 2023: ବସ୍ତି ପିଲାଙ୍କ ଦୀପାବଳି ସେଲିବ୍ରେସନ କଲା ପୋଲିସ, କମିଶନର ବାଣ୍ଟିଲେ ମିଠା

ଭୁବନେଶ୍ବର: ବସ୍ତି ପିଲାଙ୍କ ମୁହଁରେ ହସ ଭରିଲା ପୋଲିସ । ପିଲାଙ୍କ ସହ ମିଶି ଦୀପାବଳି ପାଳିଲା କମିଶନରେଟ ପୋଲିସ । ଭୁବନେଶ୍ବର ସ୍ଥିତ ହଳଦିପଡିଆ ବସ୍ତିରେ ବସ୍ତିବାସିନ୍ଦାଙ୍କ ସହ ମିଶି ଦୀପାବଳି ଉତ୍ସବ ପାଳନ କରିଛି ଟ୍ବିନସିଟି ପୋଲିସ । ବସ୍ତି ବାସିନ୍ଦାଙ୍କୁ ମିଠା ବାଣ୍ଟିବା ସହ ସେମାନଙ୍କ ସହ ବାଣ ଫୁଟାଇ ହସଖୁସିର ମାହୋଲରେ ଆଲୋକର ପର୍ବକୁ ପାଳନ କରିଛନ୍ତି । ପୋଲିସ କମିଶନରଙ୍କ ସହ ଭୁବନେଶ୍ୱର ଡିସିପି ମଧ୍ୟ ଯୋଡ଼ି ହୋଇଥିଲେ । ଏହା ଦ୍ବାରା ପୋଲିସ ଓ ପବ୍ଲିକ ମଧ୍ୟରେ ଥିବା ସମ୍ପର୍କ ଆହୁରି ନିବିଡ଼ ହୋଇଥିବା କୁହାଯାଉଛି ।

ତେବେ ଗୋଟିଏ ସମୟରେ ଅପରାଧର ପୃଷ୍ଠଭୂମି ଭାବେ ହଳଦିପଡିଆ ଚର୍ଚ୍ଚିତ ଥିବା ବେଳେ ସେଠି ପୋଲିସ ଲୋକଙ୍କ ସହ ଯୋଡ଼ି ହୋଇ ଲୋକଙ୍କ ମଧ୍ୟରେ ଉତ୍ସବ ପାଳନକୁ ନେଇ ଚର୍ଚ୍ଚା ଜୋର ଧରିଛି । 

ଭୁବନେଶ୍ବର, ଇଟିଭି ଭାରତ