କାଳବୈଶାଖୀ ତାଣ୍ଡବ, ଉଜାଡି ଦେଲା ସୁନାର ଫସଲ

ନବରଙ୍ଗପୁର: ନବରଙ୍ଗପୁରରେ ତାଣ୍ଡବ ରଚିଛି କାଳବୈଶାଖୀ  । ଅଦିନିଆ ଝଡ଼ ଏବଂ ତୁମ୍ବିତୋଫାନ ଉଜାଡି ଦେଇଛି ସୁନା ଫସଲ । ଭାଙ୍ଗି ଦେଇଛି ଅନେକ ଘର । ପ୍ରଚୁର କୁଆ ପଥର ବର୍ଷାରେ ଉଜୁଡି ଯାଇଛି ଧାନ, ମକା ଫସଲ । ପ୍ରବଳ ବେଗରେ ପବନ କାରଣରୁ ଉଡ଼ିଯାଇଛି ଛାତ ଭାଙ୍ଗିଯାଇଛି ଘର  । ଗତକାଲି(ସୋମବାର) ସନ୍ଧ୍ୟାର ଦୃଶ୍ୟ ଦେଖିଲେ କାଶ୍ମୀରର ଭ୍ରମ ସୃଷ୍ଟି କରୁଥିଲା ନବରଙ୍ଗପୁରର ଆଖ ପାଖ ଅଞ୍ଚଳ  ।  5ଶହ ଏକର ଆଧିକ ଫସଲ ନଷ୍ଟ ହୋଇଥିବା ବେଳେ , ୫୦ରୁ ଉର୍ଦ୍ଧ୍ବ ଘର କ୍ଷୟକ୍ଷତି ହୋଇଥିବା ସୂଚନା ରହିଛି ।  ତହସିଲଦାର ଓ କୃଷି ବିଭାଗ ମିଳିତ ଭାବେ କ୍ଷୟକ୍ଷତି ଆକଳନ କରୁଛନ୍ତି । ତେବେ ଅଦିନିଆ କୁଆ ପଥର ବର୍ଷାରେ ସମ୍ପୂର୍ଣ ଚାଷ ନଷ୍ଟ ହୋଇଥିବା ବେଳେ ଚାଷୀଙ୍କ ଆର୍ଥିକ ମେରୁଦଣ୍ଡ କୁ ଦୋହଲାଇ ଦେଇଛି  । ନଷ୍ଟ ହୋଇଥିବା ଘର ପାଇଁ ପଲିଥିନ ବାଣ୍ଟିବା ଯାଇଥିବା କହିଛନ୍ତି ତହସିଲଦାର ।  କୃଷି ଅଧିକାରୀ ବର୍ତ୍ତମାନ ଘଟଣାସ୍ଥ କୁ ଯାଇଥିବା ବେଳେ ପ୍ରକୃତ କ୍ଷୟକ୍ଷତିର ଆକଳନ କରାଯାଇନାହିଁ  ।

ଇଟିଭି ଭାରତ, ନବରଙ୍ଗପୁର