ଘରେ ବସି ଛୁଟି ମନାଅ ନାହିଁ ପସନ୍ଦ ନାପସନ୍ଦ ବାଛ: ଆସାଦୁଦ୍ଦିନ ଓଓ୍ବେସୀ

ହାଇଦ୍ରାବାଦ: ଭୋଟ ଦେଉଛି ତେଲେଙ୍ଗାନାର । 119 ବିଧାନସଭା ଆସନରେ ଜାରି ରହିଛି ମତଦାନ 2,290 ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି 3 କୋଟି 26 ଲକ୍ଷରୁ ଊର୍ଦ୍ଧ୍ୱ ଜନତା । ରାଜ୍ୟରେ ହୋଇଥିବା 35655ଟି ମତଦାନ କେନ୍ଦ୍ରରେ ଭୋଟ ଗ୍ରହଣ ଜାରି ରହିଛି । ନେତା, ଜନତା, ଅଭିନେତା ସମସ୍ତେ ଗଣତନ୍ତ୍ରର ମହାନ ପର୍ବରେ ସାମିଲ ହୋଇଛନ୍ତି । ପୂର୍ବାହ୍ନ 9ଟା ସୁଦ୍ଧା 8.52 ପ୍ରତିଶତ ଭୋଟ ଗ୍ରହଣ ହୋଇଥିବା ସୂଚନା ମିଳିଛି । AIMIM ମୁଖ୍ୟ ଆସାଦୁଦ୍ଦିନ ଓଓ୍ବେସୀ ମଧ୍ୟ ତାଙ୍କର ମତଦାନ ସାବ୍ୟସ୍ତ କରିଛନ୍ତି ।

ଭୋଟ ଦେବାପରେ ପ୍ରତିକ୍ରିୟା ରଖି ଆସାଦୁଦ୍ଦିନ ଓଓ୍ବେସୀ କହିଛନ୍ତି, "ସମସ୍ତ ତେଲେଙ୍ଗାନା ଭୋଟକଙ୍କୁ ଅପିଲ୍ କରୁଛି ସମସ୍ତେ ଘରୁ ବାହାରି ଭୋଟ ଦିଅନ୍ତୁ । ଦାଇଦ୍ରାବାଦର ସୁନ୍ଦରତାକୁ ବଞ୍ଚାଇ ରଖିବାକୁ, ଭାଇଚାରାକୁ ବଜାୟ ରଖିବାକୁ, ସମ୍ବିଧାନ ଉପରେ ଭରସା ସୃଷ୍ଟି କରିବାକୁ ଘରୁ ବାହାରି ଭୋଟ ଦିଅନ୍ତୁ । ଘରେ ବସି ଛୁଟି ମନାଇବାର ସମସ ନୁହେଁ ନିଜ ସ୍ବର, ପସନ୍ଦ ନାପସନ୍ଦ ବାଛନ୍ତୁ । ସମସ୍ତ ଅନୁରୋଧ ଅଧ ଘଣ୍ଟା ପାଇଁ ଘରୁ ବାହାରନ୍ତୁ 100 ପ୍ରତିଶତ ଭୋଟ ଦିଅନ୍ତୁ । ସହରାଞ୍ଚଳ ଲୋକ ଭାବନ୍ତୁ ନାହିଁ ଛୁଟି ଦିନ ବୋଲି । ଲୋକତନ୍ତ୍ରକୁ ମଜଭୁତ କରିବାକୁ ଘରୁ ବାହାରନ୍ତୁ ଭୋଟ ଦିଅନ୍ତୁ । ଖାଇବା ପଛରେ ଖାଆନ୍ତୁ ପ୍ରଥମେ ଭୋଟ ଦିଅନ୍ତୁ । ବିଶେଷ କରି ପ୍ରଥମ ଥର ପାଇଁ ଭୋଟ ଦେଉଥିବା ଭୋଟରଙ୍କ ଗୁରୁତ୍ବ ଅଧିକ ।"

ତେଲେଙ୍ଗାନା ନିର୍ବାଚନ 2024 ସାଧାରଣ ନିର୍ବାଚନରେ ବଡ଼ ଭୂମିକା ତୁଲାଇବ କି ପ୍ରଶ୍ନର ଉତ୍ତର ଦେଇ ଓଓ୍ବେସୀ କହିଥନ୍ତି, "ହଁ ତେଲେଙ୍ଗାନା ନିର୍ବାଚନ 2024 ନିର୍ବାଚନରେ ପ୍ରମୁଖ ଭୂମିକା ତୁଲାଇବ । ଆଉ 2 ମାସ ସମୟ ରହିଛି । ମୋ ରାଜନୈତିକ ଦଳ ଆଉ ଏକ ଗୁରୁତ୍ୱପୂର୍ଣ୍ଣ ଚ୍ୟାଲେଞ୍ଜ ପାଇଁ ପ୍ରସ୍ତୁତ ରହିଛି ।"