ରାସ୍ତାକୁ ଓହ୍ଲାଇଲେ ଡି.କେଙ୍କ ସମର୍ଥକ, ମୁଖ୍ୟମନ୍ତ୍ରୀ କରିବା ଦାବିରେ ନାରାବାଜୀ

ବେଙ୍ଗାଲୁରୁ: କଂଗ୍ରେସ ବିଧାୟକ ଦଳ ବୈଠକ ଆରମ୍ଭ ହେବାକୁ ଯାଉଛି । ତମାମ୍‌ ନିର୍ବାଚିତ ବିଧାୟକ ବେଙ୍ଗାଲୁରୁର ଏକ ତାରକା ହୋଟେଲରେ ପହଞ୍ଚିବାରେ ଲାଗିଛନ୍ତି । କଂଗ୍ରେସର କେନ୍ଦ୍ରୀୟ ପର୍ଯ୍ୟବେକ୍ଷକମାନେ ମଧ୍ୟ ବେଙ୍ଗାଲୁରୁରେ ପହଞ୍ଚି ସାରିଛନ୍ତି । ଖୁବଶୀଘ୍ର ବିଧାୟକ ଦଳ ବୈଠକ ଆରମ୍ଭ ହେବାକୁ ଯାଉଥିବା ବେଳେ ରାସ୍ତାକୁ ଓହ୍ଲାଇଛନ୍ତି ଡି.କେ ଶିବକୁମାରଙ୍କ ସମର୍ଥକ । ହାତରେ ପ୍ଲାକ୍‌କାର୍ଡ ଧରି ‘ଡିକେ... ସିଏମ...’ ନାରା ଲଗାଇଛନ୍ତି । କିଛି ସମର୍ଥକ ଡି.କେଙ୍କୁ ସ୍ବାଗତ କରିବା ପାଇଁ ହୋଟେଲ ଆଗରେ ଅପେକ୍ଷା କରିଥିବା ବେଳେ ଡି.କେଙ୍କୁ ମୁଖ୍ୟମନ୍ତ୍ରୀ କରିବା ପାଇଁ ଦାବି କରିଛନ୍ତି । ବରିଷ୍ଠ ନେତା ସିଦ୍ଧରମୈୟା, ଡି.କେ ଶିବକୁମାରଙ୍କ ସମେତ ସମସ୍ତ ନିର୍ବାଚିତ 135 ବିଧାୟକ ଏକ ତାରକା ହୋଟେଲରେ ପହଞ୍ଚୁଛନ୍ତି । ପୋଲିସ ପକ୍ଷରୁ ମଧ୍ୟ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଆଉ କିଛି ସମୟ ମଧ୍ୟରେ ବୈଠକ ଆରମ୍ଭ ହେବ । ଗତକାଲି କର୍ଣ୍ଣାଟକରେ ବିପୁଳ ବିଜୟ ହାସଲ କରିଛି କଂଗ୍ରେସ ।