ବାଲୁକା କଳାରେ ନବବର୍ଷର ଶୁଭେଚ୍ଛା ଜଣାଇଲେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ

ପୁରୀ: ଆଉ କେଇ ଘଣ୍ଟା ପରେ ଆସିବ ନୂଆ ବର୍ଷ ୨୦୨୪ । ଏହି ଅବସରରେ ନିଆରା ଢଙ୍ଗରେ ନବବର୍ଷର ଶୁଭେଚ୍ଛା ଜଣାଇଛନ୍ତି ବିଶିଷ୍ଟ ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ  । ପୁରୀ ବ୍ଲୁ ଫ୍ଲାଗ ବିଚ୍ ରେ ସେ ପ୍ରସ୍ତୁତ କରିଛନ୍ତି ମହାପ୍ରଭୁ ଶ୍ରୀ ଜଗନ୍ନାଥଙ୍କ 25 ଫୁଟର ଏକ ବିଶାଳ ବାଲୁକା ଚିତ୍ରକଳା  । ଏହି ବାଲୁକା ଚିତ୍ରକଳା ମାଧ୍ୟମ ରେ ସାରା ବିଶ୍ଵ ବାସୀଙ୍କୁ ନୁଆବର୍ଷର ଶୁଭେଚ୍ଛା ଦେଇଛନ୍ତି ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । 

ସେ ତାଙ୍କ ଛାତ୍ରଛାତ୍ରୀଙ୍କ ସହଯୋଗରେ ଏହି ବିଶାଳ ବାଲୁକା ଚିତ୍ର କଳା ନିର୍ମାଣ କରିଛନ୍ତି  ।  ତେବେ ଏହି ସୁନ୍ଦର ବାଲୁକା ଚିତ୍ରକଳା ଦେଖିବକୁ ପୁରୀ ବ୍ଲୁ ଫ୍ଲାଗ ବିଚ୍ ରେ ପର୍ଯ୍ୟଟକଙ୍କ ବେଶ୍ ଭିଡ ରହିଛି । ଏହି ବାଲୁକା ଚିତ୍ରକଳାରେ ହଜାର ହଜାର ସଂଖ୍ୟାରେ ଫୁଲ ସଜାଯାଇଛି, ଯାହାକି ବେଶ୍ ଆକର୍ଷଣୀୟ ହେଇଛି ।  ମହାପ୍ରଭୁଙ୍କ ବଡ଼ ସିଂହାର ବେଶକୁ ସେ ବାଲୁକା ଚିତ୍ରକଳାରେ ସ୍ଥାନ ଦେଇଛନ୍ତି  ।  

ଏହା ମଧ୍ୟ ପଢନ୍ତୁ ... ଚନ୍ଦ୍ରଭାଗା ବେଳାଭୂମିରେ ବାଲୁକା କଳା ପ୍ରଦର୍ଶନୀ

ସେ କହିଛନ୍ତି ଯେ ନୂଆ ବର୍ଷରେ ଭକ୍ତମାନେ ମହାପ୍ରଭୁଙ୍କ ଶ୍ରୀମନ୍ଦିରରେ ଦର୍ଶନ ପରେ ବ୍ଲୁ ଫ୍ଲାଗ ବିଚ୍ ଆସି ବାଲିରେ ମହାପ୍ରଭୁଙ୍କୁ ଦର୍ଶନ କରି ପାରିବେ । ଆସନ୍ତା 2024 ନୂଆବର୍ଷ ସମସ୍ତଙ୍କ ପାଇଁ ସୁଖ ସମୃଦ୍ଧି ନେଇ ଆସୁ ବୋଲି ମହାପ୍ରଭୁ ଶ୍ରଜଗନ୍ନାଥଙ୍କ ନିକଟରେ ସେ ପ୍ରାର୍ଥନା କରିଛନ୍ତି ।

ଇଟିଭି ଭାରତ, ପୁରୀ