'ମେରୀ ଜାନ ହିନ୍ଦୁସ୍ତାନ' ଥିମକୁ ନେଇ ପଥପ୍ରାନ୍ତ ନାଟକ, ଲୋୟର ପିଏମ୍‌ଜିରେ ସ୍ବତନ୍ତ୍ର କାର୍ଯ୍ୟକ୍ରମ

ଭୁବନେଶ୍ବର: ରାତି ପାହିଲେ ସାରା ଦେଶ ପାଳିବ ୭୭ତମ ସ୍ୱାଧୀନତା ଦିବସ ।  ସାରା ଦେଶ ଭବ୍ୟ ଉତ୍ସବ ପାଇଁ ପ୍ରସ୍ତୁତ ହେଉଥିବାବେଳେ ଗାନ୍ଧୀ ମାର୍ଗରେ ଦେଶାତ୍ମବୋଧର ପ୍ରୀତି ବାଣ୍ଟୁଛନ୍ତି ବନ୍ଦେ ମାତରମ ଅନୁଷ୍ଠାନ । ଏହି ଅନୁଷ୍ଠାନ ୨୪ ବର୍ଷ ଧରି ସଚେତନତା ପାଇଁ ପଥପ୍ରାନ୍ତ ନାଟକ କରି ଆସୁଥିବାବେଳେ ଆଜି ମଧ୍ୟ ସ୍ୱାଧୀନତା ଦିବସ ପାଳନ ପୂର୍ବରୁ ଲୋୟର ପିଏମଜିଠାରେ ସ୍ୱତନ୍ତ୍ର କାର୍ଯ୍ୟକ୍ରମ କରିଛନ୍ତି । 

'ତ୍ରିରଙ୍ଗା ପତାକାଟିଏ ଦାନ କରନ୍ତୁ ,ଦେଶ ପ୍ରେମର ନିଦର୍ଶନ ଦିଅନ୍ତୁ' ଏହି ବାର୍ତ୍ତା ନେଇ ତ୍ରିରଙ୍ଗାର ରଙ୍ଗରେ ରଙ୍ଗେଇ ହୋଇ ଛୋଟ ପିଲାଙ୍କଠାରୁ ଆରମ୍ଭ କରି ବୟସ୍କ ସମସ୍ତେ ଏହି କାର୍ଯ୍ୟକ୍ରମରେ ସାମିଲ ହୋଇ ସ୍ୱାଧୀନତା ଦିବସ ପାଳନ କରିଛନ୍ତି । ଆଉ ପଥରେ ଯାଉଥିବା ଲୋକମାନଙ୍କୁ ଭାରତୀୟ ଭାବେ ନିଜ ଘରେ ପତାକା ଲଗାଇବା ସହ ତ୍ରିରଙ୍ଗା ପତାକା ଦାନ କରିବାକୁ ଆହ୍ୱାନ ଦେଇଥିଲେ । ଏହାସହ 'ମେରୀ ଜାନ୍‌ ହିନ୍ଦୁସ୍ତାନ୍‌' ଥିମ୍କୁ‌ ନେଇ ପଥପ୍ରାନ୍ତ ନାଟକ ମଧ୍ୟ କରିଥିଲେ । ଏହି କାର୍ଯ୍ୟକ୍ରମକୁ ନେଇ ସମସ୍ତେ ସବୁଜ, ନାରଙ୍ଗୀ ଓ ଧଳା ରଙ୍ଗରେ ସଜେଇ ହୋଇଥିବାବେଳେ 'ଭାରତ ମାତା କି ଜୟ' ଧ୍ୱନିରେ ପୁରା ପରିବେଶକୁ ପ୍ରକମ୍ପିତ ହୋଇଉଠିଥିଲା । ଏହାକୁ ନେଇ ନାଟକର କଳାକାରଙ୍କ ଅଧିକ ଆଲୋଚନା କରିଛନ୍ତି ଆମ ଭୁବନେଶ୍ବର ସମ୍ବାଦଦାତା ଦେବସ୍ମିତା ରାଉତ  । 

ଇଟିଭି ଭାରତ, ଭୁବନେଶ୍ବର