ତାମିଲନାଡୁରେ ବର୍ଷା ବିତ୍ପାତ: ଏକାଧିକ ଅଞ୍ଚଳ ଜଳବନ୍ଦୀ, ଦେଖନ୍ତୁ ଭିଡିଓ

ଚେନ୍ନାଇ: ବଙ୍ଗୋପସାଗରରେ ସୃଷ୍ଟ ଘୂର୍ଣ୍ଣିବଳୟ କ୍ଷେତ୍ର ପ୍ରଭାବରେ ତାମିଲନାଡୁରେ ପ୍ରବଳ ବର୍ଷା ଜାରି ରହିଛି । ରାଜ୍ୟର ବହୁସ୍ଥାନରେ ଲଗାଣ ବର୍ଷା ପରେ ଜଳବନ୍ଦୀ ସମସ୍ୟା ସୃଷ୍ଟି ହୋଇଛି । ରାଜ୍ୟର ଥୁଥୁକୁଡିରେ ସର୍ବାଧିକ ବର୍ଷା ରେକର୍ଡ ହୋଇଛି । ବିଭିନ୍ନ ସ୍ଥାନରେ ଜଳବନ୍ଦୀ ସମସ୍ୟା ସୃଷ୍ଟି ହୋଇଛି । ଆପାର୍ଟମେଣ୍ଟର ଗ୍ରାଉଣ୍ଡ ଫ୍ଲୋର ମଧ୍ୟ ବର୍ଷା ପାଣିରେ ବୁଡି ରହିଛି । ରାସ୍ତାଘାଟ ବୁଡି ରହିଥିବାରୁ ଯୋଗାଯୋଗ, ଯାତାୟତ ବାଧାପ୍ରାପ୍ତ ହୋଇଛି । ସ୍କୁଲ, କଲେଜ ମଧ୍ୟ ବନ୍ଦ ରହିଛି । ଲୋକେ ଘରୁ ବାହାରି ପାରୁନାହାନ୍ତି । ତଳିଆ ଅଞ୍ଚଳରେ ଥିବା ଲୋକଙ୍କୁ ଉଦ୍ଧାର କରାଯାଇ ସୁରକ୍ଷିତ ସ୍ଥାନରେ ଥଇଥାନ କରାଯାଉଛି । ରାଜ୍ୟ ପାଣିପାଗ ବିଭାଗ ଆଲର୍ଟ ମୋଡରେ ରହିଛି । ଲୋକଙ୍କୁ ସତର୍କ ରହିବା ଲାଗି ପରାମର୍ଶ ଜାରି କରାଯାଇଛି । କ୍ଷୟକ୍ଷତିର ଆକଳନ ସ୍ପଷ୍ଟ ହୋଇନି । ରାଜ୍ୟ ସରକାର ମୁକାବିଲା ପାଇଁ ତମାମ ପଦକ୍ଷେପ ଗ୍ରହଣ କରିଛନ୍ତି ।