ବାଲୁକା ଚିତ୍ରକଳାରେ କିଶୋର ଓ ନୀରଜଙ୍କୁ ସୁଦର୍ଶନ ପଟ୍ଟନାୟକଙ୍କ ଶୁଭେଚ୍ଛା

ପୁରୀ: ଚୀନରେ ଚାଲିଥିବା 19ତମ ଏସୀୟ କ୍ରୀଡାରେ ଚମକିଛନ୍ତି ଓଡିଆ ପୁଅ କିଶୋର ଜେନା । ଜାଭେଲିନ ଥ୍ରୋ ଇଭେଣ୍ଟରେ ରୌପ୍ୟ ପଦକ ଜିତିଛନ୍ତି ପୁରୀ ବ୍ରହ୍ମଗିରିର କୋଠସାହିର କୋହିନୀର କିଶୋର । ଏହା ସହିତ ସମାନ ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଛନ୍ତି ନୀରିଜ ଚୋପ୍ରା । ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ । ପୁରୀ ସୁମୁଦ୍ର ବେଳାଭୂମିରେ ସୁନ୍ଦର ବାଲୁକା ଚିତ୍ରକଳା କରି ଉଭୟ ତାରକାଙ୍କୁ ଶୁଭେଚ୍ଛା ଜଣାଇଛନ୍ତି ବାଲୁକା ଶିଳ୍ପୀ ସୁଦର୍ଶନ । ବାଲୁକା ଚିତ୍ରକାଳରେ ଦୁଇ ପଦକ ବିଜେତାଙ୍କ ନାମ ସହିତ ଗୋଟିଏ ଗୋଲ୍ଡେନ ପଦକ ଓ ଗୋଟିଏ ରୌପ୍ୟ ପଦକ କରି ଇଂରାଜୀରେ ଶୁଭେଚ୍ଛା ବୋଲି ଲେଖା ରହିଛି । କିଶୋର ଏସିଆନରେ ରୌପ୍ୟ ପଦକ ହାସଲ କରି ଓଡ଼ିଶା ଏବଂ ପୁରୀବାସୀଙ୍କୁ ଗର୍ବିତ କରିଛନ୍ତି । ମହାପ୍ରଭୁ ଶ୍ରଜଗନ୍ନାଥ କିଶୋରଙ୍କୁ ଆହୁରି ଆଶୀର୍ବାଦ ଦେଇ ଆଗାମୀ ଦିନରେ ସଫଳତା ଦିଅନ୍ତୁ ବୋଲି ବାଲୁକା ଚିତ୍ରକଳା ମାଧ୍ୟମରେ ସୁଦର୍ଶନ ମହାପ୍ରଭୁଙ୍କୁ ପ୍ରାର୍ଥନା କରିଛନ୍ତି ।

ଇଟିଭି ଭାରତ, ପୁରୀ