ଯାଜପୁରରେ ରାବଣପୋଡି ଉତ୍ସବ ଅନୁଷ୍ଠିତ

ଯାଜପୁର: ସାରା ରାଜ୍ୟରେ ମଙ୍ଗଳବାର ଦିନ ବିଜୟା ଦଶମୀ ଓ ରାବଣପୋଡି ଅନୁଷ୍ଠିତ ହେଇଯାଇଛି । ତେବେ ଯାଜପୁର ଜିଲ୍ଲା ବ୍ୟାସନଗର ସ୍ଥିତ ଏନ.ସି ହାଇସ୍କୁଲ ଖେଳ ପଡିଆରେ ମିଲ୍ଲନ୍ କ୍ଳବ ଦ୍ୱାରା 39ତମ ରାବଣପୋଡି ଉତ୍ସବ ଅନୁଷ୍ଠିତ ହେଇଯାଇଛି ।

ମିଲ୍ଲନ୍ କ୍ଳବର ସଭାପତି ଜିତେନ୍ଦ୍ର ପ୍ରତିହାରୀଙ୍କ ସଭାପତିତ୍ୱରେ ଆୟୋଜିତ ରାବଣପୋଡ଼ି ଉତ୍ସବରେ ମୁଖ୍ୟ ଅତିଥି ଭାବେ କୋରେଇ ବିଧାୟକ ଅଶୋକ କୁମାର ବଳ, ସମ୍ମାନିତ ଅତିଥିଭାବେ ସୁବାଷ ଚନ୍ଦ୍ର ବଳ ଓ ପୂର୍ବତନ କାଉନସିଲର ପଦ୍ମନାଭ ସ୍ୱାଇଁ ଯୋଗଦେଇ ରାବଣପୋଡ଼ି ସମ୍ପର୍କରେ ଆଲୋଚନା କରଥିଲେ । ପରିଶେଷରେ କୋରେଇ ବିଧାୟକ ରାବଣକୁ ଅଗ୍ନି ସଂଯୋଗ କରିଥିଲେ । ଏହି କାର୍ଯ୍ୟକ୍ରମକୁ ଦେଖିବାକୁ ସହରର ହଜାର ହଜାର ଦର୍ଶକ ଉପସ୍ଥିତ ଥିଲେ । ପ୍ରଶାସନ ପକ୍ଷରୁ ଶାନ୍ତି ଶୃଙ୍ଖଳାର ସହ ରାବଣ ପୋଡି ଆୟୋଜନ ନେଇ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିଲା । 

ଇଟିଭି ଭାରତ, ଯାଜପୁର