ଜମିବାଡି ଲୋଭରେ ଭୁଲିଲେ ହିତାଧିତ ଜ୍ଞାନ, ଦିଅର ପନିକି ଚୋଟରେ ଭାଉଜ ଓ ପୁତୁରା ଗୁରୁତର

ଢେଙ୍କାନାଳ: ପାରିବାରିକ କଳହର କରୁଣ ପରିଣତି । ଦିଅର ପୁତୁରା ପନିକି ଚୋଟରେ ମାଆପୁଅ ଗୁରୁତର । ଏପରି ଘଟଣା ଦେଖିବାକୁ ମିଳିଛି ଭୁବନ ବିଜ୍ଞାପିତ ଅଞ୍ଚଳ ପରିଷଦର ଓ୍ବାର୍ଡ-୫ରେ । ଓ୍ବାର୍ଡ ବାସିନ୍ଦା ବ୍ରଜବନ୍ଧୁ ସାହୁ ସ୍ତ୍ରୀ ଓ ଦୁଇ ପୁଅ ବୋହୁଙ୍କୁ ନେଇ ପରିବାର । ଦୀର୍ଘଦିନ ହେବ ବ୍ରଜବନ୍ଧୁଙ୍କ ସାନ ଭାଇ ରମେଶଙ୍କ ସହିତ ଜମିବାଡ଼ିକୁ ନେଇ କଳହ ଲାଗିରହିଥିଲା । ତେବେ ଆଜି ବ୍ରଜବନ୍ଧୁ ବିଲକୁ ଯାଇଥିବାର ସୁଯୋଗ ନେଇ ସାନ ଭାଇ ରମେଶ, ତାଙ୍କ ସ୍ତ୍ରୀ ଓ ପୁଅ ହାପି ମିଶି ବ୍ରଜବନ୍ଧୁଙ୍କ ପରିବାର ଉପରେ ପନିକି ଧରି ସଙ୍ଘବଧ ଆକ୍ରମଣ କରିଥିଲେ । ତେବେ ଏହି ଆକ୍ରମଣରେ ବ୍ରଜବନ୍ଧୁଙ୍କ ସ୍ତ୍ରୀ ବିଜୁଳି ସାହୁ ଓ ସାନ ପୁଅ ମାନସ ଗୁରୁତର ହୋଇ ତଳେ ପଡ଼ିଯାଇଥିଲେ । ମାଆପୁଅଙ୍କୁ ପନିକିରେ ଆକ୍ରମଣ କରିବା ପରେ ଅଭିଯୁକ୍ତ ରମେଶ ଓ ତାଙ୍କ ପରିବାର ଫେରାର ହୋଇଯାଇଥିଲେ । ତେବେ ଗୁରୁତର ଅବସ୍ଥାରେ ପଡୋଶୀ ମାଆପୁଅଙ୍କୁ ଉଦ୍ଧାର କରି ଭୁବନ ମେଡିକାଲରେ ଭର୍ତ୍ତି କରିଥିଲେ । ମାଆପୁଅଙ୍କ ଅବସ୍ଥା ସଙ୍କଟାପର୍ଣ୍ଣ ଥିବାରୁ ଅଧିକ ଚିକିତ୍ସା ନିମନ୍ତେ କଟକ ବଡମେଡିକାଲକୁ ସ୍ଥାନାନ୍ତର କରାଯାଇଥିବା ଭୁବନ ଡାକ୍ତର ସୂଚନା ଦେଇଛନ୍ତି । ତେବେ ଅଭିଯୁକ୍ତ ତିନି ଜଣଙ୍କୁ ଧରି ଥାନାରେ ହାଜର କରିଛନ୍ତି ଗ୍ରାମବାସୀ । 

ଇଟିଭି ଭାରତ, ଢେଙ୍କାନାଳ