ୟଦାଦ୍ରି ଲକ୍ଷ୍ମୀ ନୃସିଂହ ସ୍ବାମୀ ମନ୍ଦିରରେ ପୂଜାର୍ଚ୍ଚନା କଲେ ରାଷ୍ଟ୍ରପତି

ହାଇଦ୍ରାବାଦ: ତେଲେଙ୍ଗାନା ସ୍ଥିତ ୟଦାଦ୍ରି ଲକ୍ଷ୍ମୀ ନୃସିଂହ ସ୍ବାମୀ ମନ୍ଦିର ପରିଦର୍ଶନ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଗତକାଲି ହେଲିକପ୍ଟର ଯୋଗେ ହାଇଦ୍ରାବାଦର ୟାଦାଗିରିଗୁଟ୍ଟାରେ ରାଷ୍ଟ୍ରପତି ପହଞ୍ଚିବା ପରେ ରାଜ୍ୟର ମନ୍ତ୍ରୀ ଇନ୍ଦ୍ରକରନ ରେଡ୍ଡୀ, ଜଗଦୀଶ ରେଡ୍ଡୀ ସତ୍ୟବତୀ ରାଠୋର, ରାଜ୍ୟପାଳ ଓ ମନ୍ଦିରର ଅଧିକାରୀ ମାନେ ସ୍ବାଗତ କରିଥିଲେ । ଏହାପରେ ମନ୍ଦିରର ପୂଜକ ଦ୍ରୌପଦୀ ମୁର୍ମୁଙ୍କୁ ମନ୍ଦିର ମଧ୍ୟରୁ ନିମନ୍ତ୍ରଣ କରିଥିଲେ । ଏହାପରେ ଲକ୍ଷ୍ମୀ ନୃସିଂହ ସ୍ବାମୀ ମନ୍ଦିରରେ ସ୍ବତନ୍ତ୍ର ପୂଜାର୍ଚ୍ଚନା କରିଥିଲେ ରାଷ୍ଟ୍ରପତି । ରାଷ୍ଟ୍ରପତିଙ୍କ ଗସ୍ତ ପାଇଁ ମନ୍ଦିରରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଥିଲା ।