ମଧ୍ୟରାତ୍ରରେ ଧରାବତରଣ କରିବେ ପ୍ରଭୁ ଯୀଶୁ, ଆଗମନ ପାଇଁ ପ୍ରସ୍ତୁତ ସହରର ସମସ୍ତ ଚର୍ଚ୍ଚ

କଟକ: ଆଉ ମାତ୍ର କେଇ ଘଣ୍ଟା ମଧ୍ୟରେ ଧରାବତରଣ କରିବେ ପ୍ରଭୁ ଯୀଶୁ । ଏଥିପାଇଁ ଚଳଚଞ୍ଚଳ କଟକ ସହରର ସମସ୍ତ ଚର୍ଚ୍ଚ । ଏହି କ୍ରମରେ କଟକ କ୍ୟାଣ୍ଟନମେଣ୍ଟ ରୋଡରେ ଥିବା କ୍ୟାଥଲିକ ଚର୍ଚ୍ଚରେ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ଆଜି ରାତି ୧୦.୩୦ ରେ ପ୍ରଭୁ ଯୀଶୁଙ୍କ ପାଇଁ କ୍ୟାରଲ ସଙ୍ଗୀତର ପରିବେଷଣ କରାଯିବ । ଏହା ପରେ ଦୁଇ ଘଣ୍ଟା ଧରି ସାମୁହିକ ପ୍ରାର୍ଥନା କରିବା ପାଇଁ ଯୋଜନା ରହିଛି । ଏହି ପ୍ରାର୍ଥନା ଆସନ୍ତାକାଲି ସନ୍ଧ୍ୟା ପର୍ଯ୍ୟନ୍ତ ଭାଇଚାରାର ସହର କଟକର ବିଭିନ୍ନ ଚର୍ଚ୍ଚରେ ଜାରି ରହିବ ବୋଲି ଫାଦର କହିଛନ୍ତି । ପ୍ରଭୁ ଯୀଶୁଙ୍କ ଆଗମନ ପାଇଁ ସହରର ସମସ୍ତ ଚର୍ଚ୍ଚରେ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟରେ । ବିଭିନ୍ନ ପ୍ରକାରର ଆଲୋକମାଳରେ ଝଲସୁଛି ଚର୍ଚ୍ଚ । ଇଟିଭି ଭାରତ, କଟକ