ନବ ବର୍ଷ ସେଲିବ୍ରେସନ; ଡିଜେର ତାଳେ ନାଚିଲେ ମିଶନ ଶକ୍ତି ମାଆ

Pre New Year Celebration: ନୂଆପଡା: ରାତି ପାହିଲେ ବିଦାୟ ନେବ ୨୦୨୩ । ଆସିବ ୨୦୨୪ ନବ ବର୍ଷ । ଏଥିପାଇଁ ସବୁଠି ଉତ୍ସବ ମାହୋଲ । ନୂଆପଡା ଜିଲ୍ଳାରେ ଏହି ମୂହୁର୍ତ୍ତର ଆନନ୍ଦ ନେଉଛନ୍ତି ମହିଳା ସ୍ୱୟଂ ସହାୟକ ଗୋଷ୍ଠୀ ଏବଂ ମିଶନ ଶକ୍ତି ମାଆମାନେ । ପୂରାତନ ବର୍ଷକୁ ବିଦାୟ ଓ ନୂତନ ବର୍ଷକୁ ସ୍ବାଗତ ପାଇଁ କରିଛନ୍ତି ସେଲିବ୍ରେସନ । ଜିଲ୍ଲାର ବହୁ ପ୍ରସିଦ୍ଧ ଲୋୟର ଇନ୍ଦ୍ର ପର୍ଯ୍ୟଟନ କ୍ଷେତ୍ର ତିଖାଲି ଠାରେ ଖଡ଼ିଆଳ ମିଶନ ଶକ୍ତି ମାଆମାନେ ନୂତନ ବର୍ଷ 2024କୁ ଆଗୁଆ ସ୍ୱାଗତ କରିବା ପାଇଁ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରିଥିଲେ ।  

ଏହା ମଧ୍ୟ ପଢନ୍ତୁ...ଆସୁଛି 'ନୂଆବର୍ଷ ୨୦୨୪', ରାମୋଜି ଫିଲ୍ମସିଟିରେ ପର୍ଯ୍ୟଟକଙ୍କ ପାଇଁ ବମ୍ଫର ଅଫର

ଏହି ଅବସରରେ ଖଡ଼ିଆଳ ବ୍ଲକ ଅଧ୍ୟକ୍ଷା ପୁଷ୍ପାଞ୍ଜଳି ନନ୍ଦ, ଉପାଧ୍ୟକ୍ଷ ଗୌତମ ତାଣ୍ଡି, ଖଡ଼ିଆଳ ବିଧାୟକ ପ୍ରତିନିଧି ଅକ୍ଷୟ କୁମାର ନନ୍ଦ ପ୍ରମୁଖ ଅତିଥି ଭାବରେ ଯୋଗଦେଇ ମିଶନ ଶକ୍ତି ମହିଳାମାନଙ୍କ ସହିତ ଧୁମଧାମ ସହକାରେ ଉପଭୋଗ କରିଛନ୍ତି । ଏହି ଅବସରରେ ସୁସ୍ବାଦିଷ୍ଟ ଭୋଜିଭାତର ଆୟୋଜନ ହୋଇଥିବା ବେଳେ, ଡିଜେର ତାଳେ ତାଳେ ମହିଳାମାନେ ନୃତ୍ୟ କରିଥିବା ଦେଖିବାକୁ ମିଳିଥିଲା  । 

ଇଟିଭି ଭାରତ, ନୂଆପଡା