CCTVରେ କଏଦ ଦୁର୍ଘଟଣାର ଛାତିଥରା ଦୃଶ୍ୟ

ଡେରାଡୁନ: ଉତ୍ତରାଖଣ୍ଡ ହଲଦ୍ବାନି ମୁଖାନି ରୋଡରେ ଦୁର୍ଘଟଣାର ସିସିଟିଭି ଫୁଟେଜ ସାମ୍ନାକୁ ଆସିଛି । ଯେଉଁଥିରେ ଏକ ସଫାରି କାର ଏକ ସ୍କୁଟିକୁ ଧକ୍କା ଦେଇଛି । ଏହି ଦୁର୍ଘଟଣାରେ ସ୍କୁଟି ସମେତ ଆରୋହୀ ବହୁତ ଦୂରରେ ଛିଟକି ପଡ଼ିଥିବା ଦେଖିବାକୁ ମିଳିଛି । ଦୁର୍ଘଟଣାରେ ସ୍କୁଟି ଆରୋହୀ ହର୍ଷିତାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଯୁବତୀ ଆହତ ହୋଇଛନ୍ତି । ଯିଏ ବର୍ତ୍ତମାନ ହଲଦ୍ବାନି ସୁଶୀଲା ତିୱାରୀ ହସ୍ପିଟାଲରେ ଜୀବନ ଓ ମୃତ୍ୟୁ ପାଇଁ ସଂଗ୍ରାମ କରୁଛନ୍ତି । ଏଥି ସହ ପୋଲିସ ଡ୍ରାଇଭରକୁ ଗିରଫ କରି କାରକୁ ଜବତ କରିଛି। ମୃତ ହର୍ଷିତା ମୁଖାନୀର ବ୍ୟବସାୟୀ ସଞ୍ଜୀବ ବର୍ମାଙ୍କ ଝିଅ ବୋଲି ଜଣାପଡ଼ିଛି । ଯେତେବେଳେ କି ତାଙ୍କ ସାଙ୍ଗ ଲଭି ଯୋଶୀ ଗୁରୁତର ଆହତ ହୋଇଛନ୍ତି । ବର୍ତ୍ତମାନ ପୋଲିସ ଏହି ଦୁର୍ଘଟଣାର ସିସିଟିଭି ଫୁଟେଜ ଯାଞ୍ଚ କରି ତଦନ୍ତ ଆରମ୍ଭ କରିଛି । ସିସିଟିଭି ଫୁଟେଜରେ ଏହା ସ୍ପଷ୍ଟ ଭାବେ ଦେଖିବାକୁ ମିଳେ ଯେ ସଫାରି କାର ମୁଖାନି ଛକରୁ ସୁଶୀଲା ତିୱାରୀ ଆଡକୁ ଆସୁଛି । ଯେତେବେଳେ କି, ହର୍ଷିତା ବର୍ମା ନିଜ ସାଙ୍ଗକୁ ଘରକୁ ଛାଡ଼ିବା ପାଇଁ ସ୍କୁଟିରେ ମୁଖାନି ଆଡ଼କୁ ଯାଉଛନ୍ତି । ଏହି ସମୟରେ କାରଟି ମଧ୍ୟାହ୍ନ ପ୍ରାୟ ୧୨.୦୯ରେ ତାଙ୍କୁ ଜୋରରେ ସାମନା ପଟରୁ ଧକ୍କା ଦେଇଛି ।