WATCH VIDEO: ମଦ ନିଶାରେ ଉଡିଲା ହୋସ, ଏମିତି ନିଶା ଯେ ରେଳ ଲାଇନରେ ଛାଡ଼ିଲେ କାର

ଥିରୁଅନନ୍ତପୁରମ: ମଦ ନିଶାରେ ଟଳମଳ ଯୁବକ । ଏମିତି ନିଶା ଯେ ଶେଷରେ ରେଳ ଲାଇନରେ ଛାଡି଼ଲେ କାର । ଖାଲି କାର ନୁହେଁ, ତା ଭିତରେ ଡ୍ରାଇଭର ମଧ୍ୟ ବସି ରହିଥିଲେ । କୌଣସି ଅଘଟଣ ଘଟିବା ପୂର୍ବରୁ ଦେବଦୂତ ସାଜିଥିଲେ ସ୍ଥାନୀୟ ବାସିନ୍ଦା । ଆଉ କାରକୁ ଟ୍ରାକରୁ ବାହାରକୁ ଆଣିଥିଲେ । କେରଳ କନ୍ନୁର ସ୍ଥିତ ସୂତା କଳ ନିକଟରେ ଗତ ରାତିରେ ଘଟିଥିଲା ଏହି ଘଟଣା । କନ୍ନୁର ନିବାସୀ ଜୟପ୍ରକାଶ ନିଶାସକ୍ତ ଅବସ୍ଥାରେ କାର ଚଳାଉଥିଲେ । ଆଉ ଏଠାରେ ଟ୍ରେନ୍‌ ଲାଇଟି ରାସ୍ତା ସହିତ ସମାନ୍ତରାଳ ଭାବେ ରହିଛି । ଜୟପ୍ରକାଶ ନିଶାସକ୍ତ ଅବସ୍ଥାରେ କାରକୁ ଟ୍ରାକ୍‌ ଉପରକୁ ନେଇ ଆସିଥିଲେ । ଏହାପରେ କେଉଁଆଡେ ଯିବେ ନଜାଣିପାରି ଟ୍ରାକ ଉପରେ ହିଁ କାର୍‌ରେ ବସି ରହିଥିଲେ । ସେହି ସମୟରେ ଉକ୍ତ ରେଳ ଲାଇନ ଦେଇ ଯାଇଥାଏ ରାଜଧାନୀ ଏକ୍ସପ୍ରେସ । ମାତ୍ର ସେଦିନ ଟ୍ରେନ ଆସିବା ବିଳମ୍ବ ଥିବାରୁ ମୃତ୍ୟୁମୁଖରୁ ବର୍ତ୍ତିଯାଇଛନ୍ତି ଜୟପ୍ରକାଶ । ଟ୍ରାକ ଉପରେ କାରକୁ ଦେଖି ପ୍ରଥମେ ସ୍ଥାନୀୟ ଲୋକେ କାରକୁ ହଟାଇବା ପରେ ପୋଲିସକୁ ଖବର ଦେଇଥିଲେ । ତେବେ ପୋଲିସ କାରକୁ ଜବତ କରିବା ସହ ଜୟପ୍ରକାଶଙ୍କୁ ଗିରଫ କରିଥିବା ଜଣାପଡ଼ିଛି ।