ମୋଦିଙ୍କୁ ଇଣ୍ଡୋନେସିଆରେ ଗ୍ରାଣ୍ଡ ୱେଲକମ୍: ଖୁସିରେ ନାଚିଲେ ପ୍ରବାସୀ ଭାରତୀୟ

ଜାକର୍ତ୍ତା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତ-ଏସିଆନ ସମ୍ମିଳନୀ ଓ  ପୂର୍ବ ଏସିଆ ଶିଖର ସମ୍ମିଳନୀ ପାଇଁ ଦିନିକିଆ ଇଣ୍ଡୋନେସିଆ ଗସ୍ତ କରିଛନ୍ତି  । ମୋଦି ଆଜି ଭୋର୍ ୩ଟାରେ ଜାକର୍ତ୍ତାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଜଣାଯାଇଛି  । ଇଣ୍ଡୋନେସିଆରେ ରହୁଥିବା ପ୍ରବାସୀ ଭାରତୀୟମାନେ ନାଚଗୀତ ସହ ପ୍ରଧାନମନ୍ତ୍ରୀଙ୍କୁ ଗ୍ରାଣ୍ଡ ୱେଲକମ୍ କରିଛନ୍ତି  । ମୋଦିଙ୍କୁ ଭେଟିବା ପାଇଁ ହୋଟେଲ ବାହାରେ ରାତି ସାରା ଅନିଦ୍ରା ହୋଇ ଅପେକ୍ଷା କରିଥିଲେ ଭାରତୀୟ  ।  ଛୋଟ ଛୁଆଠୁ ପ୍ରାପ୍ତ ବୟସ୍କ ପର୍ଯ୍ୟନ୍ତ ସମସ୍ତେ ପ୍ରଧାନମନ୍ତ୍ରୀଙ୍କୁ ଦେଖିବାକୁ ଉତ୍କଣ୍ଠାର ସହ ଅନାଇ ବସିଥିଲେ । ପ୍ରଧାନମନ୍ତ୍ରୀ ପହଞ୍ଚିବା ପରେ ପ୍ରବାସୀମାନେ ପାରମ୍ପରିକ ପୋଷକ ପରିଧାନ କରି ହାତରେ ତ୍ରିରଙ୍ଗା ପତାକା ଓ ପ୍ଲାକାର୍ଡ ଧରି ବନ୍ଦେ ମାତରମ୍, ମୋଦି ମୋଦି ନାରା ଦେଇଥିଲେ । ପ୍ରଧାନମନ୍ତ୍ରୀ ମୋଦି ମଧ୍ୟ ସମସ୍ତଙ୍କ ସହ ହାତ ମିଳାଇ ଅଭିବାଦନ ଜଣାଇଥିଲେ  । ଦେଖନ୍ତୁ ଜାକର୍ତ୍ତାରେ ମୋଦିଙ୍କୁ ଭବ୍ୟ ସ୍ବାଗତ ସମୟର ଦୃଶ୍ୟ

ଏହା ମଧ୍ୟ ପଢନ୍ତୁ: ଇଣ୍ଡୋନେସିଆର ମୋଦି, ଭବ୍ୟ ସ୍ବାଗତ କଲେ ପ୍ରବାସୀ ଭାରତୀୟ