ପଞ୍ଚାୟତ ସମିତି ବୈଠକ; ଅଧାରୁ ଉଠି ଚାଲିଗଲେ ସମିତି ସଭ୍ୟ

ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ପଞ୍ଚାୟତ ସମିତି ବୈଠକ ବର୍ଜନ କଲେ ସଭ୍ୟ/ସଭ୍ୟା  । ଗତକାଲି(ସୋମବାର) ଜିଲ୍ଲାର ଫିରିଙ୍ଗିଆ ପଞ୍ଚାୟତ ସମିତି ସଭାଗୃହରେ ପଞ୍ଚାୟତ ସମିତି ସାଧାରଣ ବୈଠକ ଅନୁଷ୍ଠିତ ହୋଇଥିଲା । ହେଲେ ସମିତି ସଭ୍ୟ ସଭ୍ୟାଙ୍କ ୧୨ଦଫା ଦାବି ରାଜ୍ୟ ସରକାର ପୂରଣ କରି ନଥିବାରୁ ସେମାନେ ବୈଠକ ବର୍ଜନ କରିଥିଲେ l ଫଳରେ କୌଣସି ଉନ୍ନୟନମୂଳକ କାର୍ଯ୍ୟ ବିଷୟରେ ଆଲୋଚନା ହୋଇପାରି ନଥିଲା । ଅନ୍ୟପଟେ ଏହି କାର୍ଯ୍ୟକ୍ରମରେ ଫୁଲବାଣୀ ବିଧାୟକ ଅଙ୍ଗଦ କହଁର ଫିରିଙ୍ଗିଆ ସମିତି ଅଧ୍ୟକ୍ଷା ନମିତା କହଁର, ସହକାରୀ ନିର୍ବାହୀ ଯନ୍ତ୍ରୀ ଜୟ ପ୍ରକାଶ ଜେନାଙ୍କ ସମେତ ବିଭିନ୍ନ ବିଭାଗର ଅଧିକାରୀ ଯୋଗ ଦେଇଥିଲେ  । ଏଥିସହ ପ୍ରଧାନମନ୍ତ୍ରୀ ଆବାସ ଯୋଜନାରେ ୩ ରୁ ୬ ମାସ ଭିତରେ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରିଥିବା ହିତାଧିକାରୀଙ୍କୁ ପ୍ରୋତ୍ସାହନ ରାଶି ପ୍ରଦାନ କରିଥିଲେ । ତେବେ ସମିତିସଭ୍ୟଙ୍କ ଅନୁପସ୍ଥିତି ଯୋଗୁଁ ବୈଠକରେ ସମସ୍ୟା ଉପୁଜିବା ସହ ବିଭିନ୍ନ ଅଞ୍ଚଳରେ ଥିବା ସମସ୍ୟା ଉପରେ କେବଳ ଆଲୋଚନା ହୋଇଛି କିନ୍ତୁ ପ୍ରକଳ୍ପ ନିର୍ମାଣ ପାଇଁ ଅର୍ଥ ମଞ୍ଜୁରୀ ହୋଇପାରିନାହିଁ ବୋଲି ଫୁଲବାଣୀ ବିଧାୟକ ଅଙ୍ଗଦ କହଁର କହିଛନ୍ତି ।  

ଏହା ମଧ୍ୟ ପଢନ୍ତୁ- ଥମୁନି ମୋ ହସ୍ପିଟାଲ ଦାବି, ବୈଠକ ବର୍ଜନ କଲେ ଜିଲ୍ଲା ପରିଷଦ ସଭ୍ୟ
 

ଇଟିଭି ଭାରତ, ଫୁଲବାଣୀ