ଆସିଛି ନୂଆବର୍ଷ, ଜିରୋ ନାଇଟରେ ଝୁମିଲେ ରାଉରକେଲାବାସୀ

New Year Celebration: ରାଉରକେଲା: ବିଦାୟ ନେଇଛି ବର୍ଷ ୨୦୨୩ । ସମସ୍ତେ ଆନନ୍ଦ ଉଲ୍ଲାସର ସହ ୨୦୨୪କୁ ସ୍ବାଗତ କରିଛନ୍ତି । ଚିକମିକ ଆଲୁଅ ସହ ନାଚ ଗୀତରେ ମସଗୁଲ ରାଉରକେଲାବାସୀ  । ରାଉରକେଲାର  ବିଭିନ୍ନ କ୍ଲବ ଓ ହୋଟେଲରେ ଆନ୍ଦନ ଓ ଉଲ୍ଲାସ ଦେଖିବାକୁ ମିଳିଛି । ବିଶେଷ କରି ନୂଆବର୍ଷର ଆଗମନରେ ଯୁବପିଢ଼ି ଓ ଛୋଟ ପିଲା ଏବଂ ବୟସ୍କଙ୍କ ନିକଟରେ ଦେଖିବାକୁ ମିଳିଛି ଉତ୍ସାହ । ଲୋକେ ନୂଆବର୍ଷକୁ ଧୁମଧାମରେ ସେଲିବ୍ରେସନ କରିଛନ୍ତି ।  ସେପଟେ ଏନେଇ ପୋଲିସ ବିଭାଗ ଏବଂ ରାଉରକେଲା ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ସହରର ଛୋଟ ବଡ଼ ସମସ୍ତ ହୋଟେଲ ଏବଂ ବଡ଼ ବଡ଼ ସମସ୍ତ କ୍ଳବରେ ମଧ୍ୟ ଚାଲିଛି ନୂଆବର୍ଷର ଜିରୋ ନାଇଟ ପାଳନ । ତେବେ ଆଜି ରାଉରକେଲା ବ୍ରାହ୍ମଣୀ କ୍ଳବ୍‌ରେ ମଧ୍ୟ ଜୋରଦାର ଭାବରେ ହୋଇଛି ଜିରୋ ନାଇଟ ସେଲିବ୍ରେସନ । ଏଥିରେ ହକି ଇଣ୍ଡିଆ ସଭାପତି ଦିଲ୍ଲୀପ ତିର୍କୀ, ଶ୍ରମମନ୍ତ୍ରୀ ସାରଦା ନାୟକ ଉପସ୍ଥିତ ରହି ଏହି ଜିରୋ ନାଇଟକୁ ଉପଭୋଗ କରିଥିଲେ । ଏଥିସହ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମରେ ଯୋଗ ଦେଇ ନୂଆବର୍ଷକୁ ପାଳନ କରିଛନ୍ତି । ଅନ୍ୟପକ୍ଷରେ ଭିଡ଼କୁ ଦୃଷ୍ଟିରେ ରଖି ରାଉରକେଲା ପୋଲିସ ତରଫରୁ ଜିରୋ ନାଇଟ ସେଲିବ୍ରେସନ ପାଇଁ ସମସ୍ତ ବ୍ୟବସ୍ଥା କରାଯାଇଥିଲା ।

ଇଟିଭି ଭାରତ, ରାଉରକେଲା