Tillu Tajpuria Murder: ଜେଲ ଭିତରୁ ସାମ୍ନାକୁ ଆସିଲା ଟିଲୁ ହତ୍ୟାର ଛାତିଥରା ଦୃଶ୍ୟ

ନୂଆଦିଲ୍ଲୀ: ତିହାର ଜେଲରେ ଗ୍ୟାଙ୍ଗଷ୍ଟାର ଟିଲୁକୁ ହତ୍ୟା ଘଟଣା । ସାମ୍ନାକୁ ଆସିଲା ଜେଲ ପରିସରର ଗ୍ୟାଙ୍ଗଷ୍ଟାର ଟିଲୁକୁ ଆକ୍ରମଣର ଭିଡିଓ । ଛୁରୀରେ ଆକ୍ରମଣ କରି ଟିଲୁକୁ ହତ୍ୟା କରାଯାଇଛି । ସୁଟର ଯୋଗେଶ ଓ ତାର ସହଯୋଗୀ ଟିଲୁକୁ ପ୍ରଥମେ ଛୁରୀରେ ଆକ୍ରମଣ କରିଥିଲେ । ଏହି ସମୟରେ ଜଣେ କଏଦୀ ଟିଲୁଙ୍କୁ ବଞ୍ଚାଇବା ପାଇଁ ଉଦ୍ୟମ କରିଥିଲେ ମଧ୍ୟ ତାଙ୍କ କଥା କେହି ଶୁଣୁନଥିବା ଭିଡିଓରେ ଦୃଶ୍ୟମାନ ହେଉଛି । ଲଗାତାର ଭାବେ ଟିଲୁକୁ ଛୁରୀରେ ଆକ୍ରମଣ କରି ଚାଲିଥିଲେ ଯୋଗେଶ ଓ ତାର ସହଯୋଗୀ । ପୋଷ୍ଟମର୍ଟମ ରିପୋର୍ଟରେ ଟିଲୁ ଶରୀରରେ 90 ଟି କ୍ଷତଚିହ୍ନ ଥିବା ଜଣାପଡିଛି । ମେ’ 2 ତାରିଖ ଦିନ ଟିଲୁର ମୃତ୍ୟୁ ହୋଇଥିବା ଘଟଣା ସାମ୍ନାକୁ ଆସିଥିଲା । ଗ୍ୟାଙ୍ଗଷ୍ଟାର ଟିଲୁ ତାଜପୁରିୟା ରୋହିଣୀ କୋର୍ଟ ଗୁଳିକାଣ୍ଡ ଘଟଣାର ମୁଖ୍ୟ ଷଡଯନ୍ତ୍ରକାରୀ ଥିଲା । 2021ରେ ଟିଲୁର ଦୁଇଜଣ ସହଯୋଗୀ ଗ୍ୟାଙ୍ଗଷ୍ଟାର ଜିତେନ୍ଦ୍ର ଗୋଗିକୁ ଗୁଳି କରି ହତ୍ୟା କରିଥିଲେ ।  

ବ୍ୟୁରୋ ରିପୋର୍ଟ,ଇଟିଭି ଭାରତ