Dhoni Birthday Celebration: କେକ୍ ଦେଲେ ଧୋନୀ, ଖାଇଲେ କୁକୁର

ହାଇଦ୍ରାବାଦ: ଜୁଲାଇ ୭, ଶୁକ୍ରବାର ଥିଲା ପୂର୍ବତନ ଭାରତୀୟ କ୍ରିକେଟ୍‌ ଦଳର ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ ୪୨ତମ ଜନ୍ମଦିନ । ଏଥିପାଇଁ ସାରା ବିଶ୍ବରୁ ଛୁଟିଥିଲା ମାହିଙ୍କୁ ଶୁଭେଚ୍ଛାର ବାର୍ତ୍ତା । ଦେଶର ବିଭିନ୍ନ ସ୍ଥାନରେ ପ୍ରଶଂସକ ମାନେ ବିଭିନ୍ନ ଢଙ୍ଗରେ ନିଜର ପ୍ରିୟ କ୍ରିକେଟର୍‌ 'କ୍ୟାପ୍ଟେନ କୁଲ'ଙ୍କର ଜନ୍ମଦିନ ପାଳିଥିଲେ । ହେଲେ ନିଜେ ଧୋନୀ ଏକ ଭିନ୍ନ ଢଙ୍ଗରେ ଏଥର ଜନ୍ମଦିନ ପାଳନ କରିଛନ୍ତି । ନିଜ ବାସଭବନ ଉଦ୍ୟାନରେ ପୋଷା କୁକୁର ମାନଙ୍କ ଗହଣରେ ଜନ୍ମଦିନ ପାଳନ କରିଛନ୍ତି ମାହି । ଏହି କୁକୁରଙ୍କ ଗହଣରେ ନିଜେ କେକ୍‌ କାଟି ସେ ନିଜର ଜନ୍ମଦିନ ପାଳନ କରିଥିଲେ । ଏହାପରେ ସେ ନିଜେ କୁକୁର ମାନଙ୍କୁ କେକ୍‌ ଖୁଆଇ ଦେଇଥିଲେ । ଯାହାର ଭିଡିଓକୁ ନିଜେ ଧୋନୀ ନିଜ ସୋସିଆଲ ମିଡିଆ ହ୍ୟାଣ୍ଡେଲ୍‌ରେ ପୋଷ୍ଟ କରିଛନ୍ତି । ଏହି ଭିଡିଓ ପ୍ରଶଂସକଙ୍କ ମନକୁ ଛୁଇଁଥିବାବେଳେ ଏହା ବେଶ ଭାଇରାଲ ହେଉଛି ।