ରାଜନୀତିରେ ସମସ୍ତଙ୍କୁ ସ୍ବାଗତ: ସାଂସଦ ଅପରାଜିତା ଷଡଙ୍ଗୀ

ବ୍ରହ୍ମପୁର: ବିଜେଡିରେ ଭିକେ ପାଣ୍ଡିଆନଙ୍କ ଏଣ୍ଟ୍ରିକୁ ନେଇ ସାରା ରାଜ୍ୟରେ ଆଜି ଚର୍ଚ୍ଚାର ଶିରୋନାମା ପାଲଟିଥିବା ବେଳେ, ଏହି ଖବରକୁ ନେଇ କୌଣସି ଚକିତ ହୋଇନାହାଁନ୍ତି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ । ନିଜ ଅନ୍ଦାଜରେ ଅପରାଜିତା କହିଛନ୍ତି ଏଭଳି ପ୍ରସଙ୍ଗରେ କୌଣସି ମନ୍ତବ୍ୟ ଦେବାକୁ ଚାହାଁନ୍ତି ନାହିଁ । ରାଜନୀତିରେ ସମସ୍ତଙ୍କୁ ସ୍ବାଗତ । ସମସ୍ତେ ରାଜନୀତି କରିପାରିବେ ବୋଲି ଅପରାଜିତା କହିଛନ୍ତି । ଆଜି ଗଞ୍ଜାମ ଜିଲ୍ଲା ଗସ୍ତରେ ଅଛନ୍ତି ସାଂସଦ ଅପରାଜିତା ଷଡଙ୍ଗୀ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ବାଚନ ମଣ୍ଡଳୀ ଶେରଗଡର ଏକ ଶୈବପୀଠରେ ରୁଦ୍ରାଭିଶେକ କାର୍ଯ୍ୟକ୍ରମରେ ସାମିଲ ହୋଇଛନ୍ତି ଅପରାଜିତା । ଏହି ଅବସରରେ ବିଜେଡିରେ ଭିକେ ପାଣ୍ଡିଆନଙ୍କ ସାମିଲ ନେଇ ସାଂସଦ ଅପରାଜିତାଙ୍କୁ ପ୍ରଶ୍ନ କରାଯାଇଥିଲା । ପ୍ରଶ୍ନର ଉତ୍ତର ଦେଇ ଏହା କହିଛନ୍ତି ସାଂସଦ ଅପରାଜିତା । ସୂଚନାଯୋଗ୍ୟଯେ ଦୀର୍ଘ ଦିନ ଚର୍ଚ୍ଚାର ଅନ୍ତ ଘଟାଇ ଆଜି ପୂର୍ବତନ ପ୍ରଶାସନିକ ଅଧିକାରୀ ଭିକେ ପାଣ୍ଡିଆନ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ବିଜେଡିରେ ସାମିଲ କରାଇବା ସହିତ ସ୍ବାଗତ କରିଛନ୍ତି ।  

ଇଟିଭି ଭାରତ, ବ୍ରହ୍ମପୁର