New Year 2023: ସୂକ୍ଷ୍ମକଳାରେ ନବବର୍ଷ ଶୁଭେଚ୍ଛା

ଖୋର୍ଦ୍ଧା: ଆସୁଛି ନୂଆବର୍ଷ (New Year 2023) । ଏଥିପାଇଁ ପୁରଠୁ ପଲ୍ଲୀ ସବୁଠି ଉତ୍ସବର ମାହୋଲ । ନବବର୍ଷକୁ ସ୍ବାଗତ କରିବା ପାଇଁ ସମସ୍ତେ କିଛି ନୂଆ ନୂଆ ତରିକା ଆପଣାଉଥିବା ଦେଖିବାକୁ ମିଳୁଛି । କିଏ କିପରି ଜିରୋ ନାଇଟ ଓ ନୂଆବର୍ଷକୁ ସ୍ବାଗତ କରିବେ ସେନେଇ ସବୁ ପ୍ରସ୍ତୁତି ଶେଷ ହୋଇଛି । ସେହିପରି ସବୁ ବେଳେ କିଛି ନୂଆ କରି ଚର୍ଚ୍ଚାରେ ରହୁଥିବା ଖୋର୍ଦ୍ଧା ଜିଲ୍ଲା ଜଟଣୀ ଅଞ୍ଚଳର ସୂକ୍ଷ୍ମ ଶିଳ୍ପୀ ଏଲ. ଈଶ୍ବର ରାଓ (Miniature Artist L Ishwar Rao) ଚଳିତ ନବବର୍ଷକୁ ନିଜ ସୂକ୍ଷ୍ମ କଳାରେ ସ୍ବାଗତ କରିଛନ୍ତି । ପେନସିଲରେ ନବବର୍ଷ ୨୦୨୩ ଲେଖି ସେ ଚର୍ଚ୍ଚାକୁ ଆସିଛନ୍ତି । 8ଇଞ୍ଚ ଉଚ୍ଚତାର ଏହି ସୂକ୍ଷ୍ମ କଳା କରିବାକୁ ଦୁଇଦିନ ସମୟ ଲାଗିଥିବା ବେଳେ ନବବର୍ଷ ସମସ୍ତଙ୍କ ପାଇଁ ସୁଖ ସମୃଦ୍ଧି ଓ ଶାନ୍ତି ଆଣିଦେଉ ବୋଲି ସେ ଜଗତର ନାଥ ଜଗନ୍ନାଥଙ୍କ ନିକଟରେ ପାର୍ଥନା କରିଛନ୍ତି । ଇଟିଭି ଭାରତ, ଖୋର୍ଦ୍ଧା