ପୁରୀ ସମୁଦ୍ରରେ ଅଘଟଣ: 2 ବଙ୍ଗୀୟ ପର୍ଯ୍ୟଟକ ମୃତ, ଜଣେ ଉଦ୍ଧାର

ପୁରୀ: ପୁରୀ ସମୁଦ୍ରରେ ଅଘଟଣ। ସମୁଦ୍ରରେ ବୁଡି ୨ ବଙ୍ଗୀୟ ପର୍ଯ୍ୟଟକ ମୃତ । ବେଳାଭୂମୀରେ ସେକ୍ଟର ୧୨ ଓ ୧୩ ବାଥିଂ ଜୋନରେ ଘଟିଛି ଅଘଟଣ । ମୃତ ଦୁଇ ଜଣ ଉଭୟ ହେଉଛନ୍ତି ବାପା ଏବଂ ପୁଅ ହୋଇଥିବା ବେଳେ ସେମାନଙ୍କ ନାଁ ରଞ୍ଜନ ଦାସ ଓ ରିସଭ ଦାସ ବୋଲି ଜଣାପଡିଛି । ଅନ୍ୟ  ଜଣେ ପର୍ଯ୍ୟଟକ ଗୁରୁତର ଆହତ ହୋଇ ପୁରୀ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ସେହିପରି  ତେବେ ଗୁରୁତର ଭାବେ ଉଦ୍ଧାର ହୋଇଥିବା ପର୍ଯ୍ୟଟକ ଜଣଙ୍କ ହେଉଛନ୍ତି ସନି ଶେଖର ମହାତ ।

ସୂଚନା ମୁତାବକ , ପଶ୍ଚିମବଙ୍ଗର ୫ ଜଣ ପର୍ଯ୍ୟଟକ ପୁରୀ ବେଳାଭୁମିର ସ୍ଵର୍ଗଦ୍ଵାର ନିକଟ ୧୩ନଂ ସେକ୍ଟରରେ ସ୍ନାନ କରୁଥିବା ସମୟରେ ହଠାତ ଏକ ବଡ ଲହଡିରେ ଭାସିଯାଇ ଥିଲେ 3 ଜଣ ପର୍ଯ୍ୟଟକ। ହେଲେ ପରେ ଜଣଙ୍କୁ ଉଦ୍ଧାର କରିବାରେ ସମର୍ଥ ହୋଇଥିଲେ ଲାଇଫଗାର୍ଡ କର୍ମଚାରୀ। କିନ୍ତୁ 2 ଜଣ କିଛି ସମୟ ପରେ ଭାସି ଭାସି କୂଳରେ ଲାଗିଥିଲେ । ଏନେଇ  ତାଙ୍କୁ ତୁରନ୍ତ ପୁରୀ ବଡ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଅନ୍ୟ ଜଣେ ପର୍ଯ୍ୟଟକ ସୁନିଲ ଶେଖର ଗୁରୁତର ଅବସ୍ଥାରେ ପୁରୀ ବଡଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ତାଙ୍କ ପରିବାର ଆସି ପହଞ୍ଚିଛନ୍ତି। ତେବେ ସମୁଦ୍ରକୂଳ ଥାନା, ବଳିଆପଣ୍ଡା ଥାନା ପୋଲିସ ଘଟଣାର ତଦନ୍ତ କରୁଛି। 

ଇଟିଭି ଭାରତ, ପୁରୀ