ଖଣ୍ଡଦେଉଳିରେ ପହଞ୍ଚିଲା ମୃତଦେହ, ଶୋକାକୁଳ ପରିବେଶରେ ସମ୍ପର୍ଣ୍ଣ ହେଲା ଅନ୍ତିମ ସଂସ୍କାର

ବ୍ରହ୍ମପୁର: ଗଞ୍ଜାମ ଜିଲ୍ଲା ଦିଗପହଣ୍ଡି ବସ ଦୁର୍ଘଟଣାରେ ଅକାଳରେ ଚାଲିଗଲା ୧୧ ଜୀବନ । ଝିଅ ବିଦା କରି ହସଖୁସିରେ ଘରକୁ ଫେରୁଥିବା ବେଳେ ସବୁ ଖୁସି ଛଡ଼ାଇ ନେଲା ଦଇବ । ବସ ଧକ୍କାରେ ଆଖି ପିଛୁଳାକେ ଉଜୁଡ଼ିଗଲା ସଂସାର । ଏହି ଦୁର୍ଘଟଣାରେ ଖଣ୍ଡଦେଉଳି ଗ୍ରାମର ଜଣଙ୍କ ମୃତ୍ୟୁ ଘଟିଛି । ବ୍ୟବଚ୍ଛେଦ ସାରି ଗ୍ରାମରେ ମୃତଦେହ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଛି । କାନ୍ଦ ବୋବାଳିରେ ଫାଟି ପଡୁଛି ଖଣ୍ଡଦେଉଳି ଗ୍ରାମ ।  ନିଜ ଆତ୍ମୀଙ୍କୁ ହରାଇ ଭାଙ୍ଗି ପଡ଼ିଛନ୍ତି ସମ୍ପର୍କୀୟ । ଗାଁ ଲୋକେ କାନ୍ଦି କାନ୍ଦି ଶେଷ ଦର୍ଶନ କରିଛନ୍ତି । ଏହି ପରିପ୍ରେକ୍ଷୀରେ ଗ୍ରାମରେ ନିର୍ବାଚିତ ପ୍ରତିନିଧିଙ୍କ ଠାରୁ ଆରମ୍ଭ କରି ଜିଲ୍ଲାପାଳଙ୍କ ସମେତ ବହୁ ଅଧିକାରୀ ପହଞ୍ଚିଥିଲେ । ସେହିପରି ସାଂସଦ ପ୍ରମିଳା ବିଶୋଇ, ଚନ୍ଦ୍ର ଶେଖର ସାହୁଙ୍କ ସମେତ ଅନେକ ରାଜନେତା ମଧ୍ୟ ଉପସ୍ଥିତ ରହି ଶୋକସନ୍ତପ ପରିବାରକୁ ସାନ୍ତ୍ବନା ପ୍ରଦାନ କରିଛନ୍ତି ।

ଇଟିଭି ଭାରତ, ବ୍ରହ୍ମପୁର