Karnataka Poll Result: ଫଳାଫଳ ପୂର୍ବରୁ ବଜରଙ୍ଗୀଙ୍କ ଶରଣରେ ବାସବରାଜ ବୋମାଇ

ବେଙ୍ଗାଲୁରୁ: କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ଭୋଟ ଗଣତି ଆରମ୍ଭ ହୋଇଛି । ସକାଳ 8ଟାରୁ 36ଟି କେନ୍ଦ୍ରରେ ଭୋଟ ଗଣତି ଜାରି ରହିଛି । ନିର୍ବାଚନ ଫଳାଫଳ ପୂର୍ବରୁ ମନ୍ଦିରରେ ପୂଜାର୍ଚ୍ଚନା କରିଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇ । ହୁବୁଳିରେ ଥିବା ହନୁମାନ ମନ୍ଦିରରେ ପୂଜା କରିଛନ୍ତି ବୋମାଇ । ମେ 10 ତାରିଖରେ 224 ଆସନରେ ଭୋଟ ଗ୍ରହଣ ହୋଇଥିଲା । ଆଜି କର୍ଣ୍ଣାଟକ ଜନାଦେଶ ଆସିବ। କର୍ଣ୍ଣାଟକରେ ସରକାର ଗଠନ ପାଇଁ ମ୍ୟାଜିକ ନମ୍ବର ହେଉଛି ୧୧୩ । ତେବେ ନିର୍ବାଚନ ଫଳାଫଳ ପୂର୍ବରୁ ସାମ୍ନାକୁ ଆସିଥିବା ଏକଜିଟ ପୋଲରେ ରାଜ୍ୟରେ ଝୁଲା ସରକାର ଆସିବାର ଅନୁମାନ କରାଯାଉଛି । କଂଗ୍ରେସ ଓ ବିଜେପି ମଧ୍ୟରେ କଡା ଟକ୍କର ହେବ । ତଥାପି ବିଜେପି ତୁଳନାରେ ଏଥର କଂଗ୍ରେସ ଅଧିକ ଆସନ ଜିତିବ ବୋଲି ଅଧିକାଂଶ ଏକଜିଟ ପୋଲରେ ଦାବି କରାଯାଇଛି । ମଧ୍ୟାହ୍ନ ସୁଦ୍ଧା କାହାର ହେବ କର୍ଣ୍ଣାଟକ ତାହା ସ୍ପଷ୍ଟ ହୋଇଯିବ ।