ପଶ୍ଚିମବଙ୍ଗ କାଳିଆଗଞ୍ଜରେ ପୋଲିସକୁ ମରଣାନ୍ତକ ଆକ୍ରମଣ ! ଭାଇରାଲ ହେଉଛି ଭିଡିଓ

କୋଲକାତା: ପଶ୍ଚିମବଙ୍ଗ କାଳିଆଗଞ୍ଜର ଜଣେ ନିର୍ଦ୍ଦିଷ୍ଟ ଆଦିବାସୀ ସମ୍ପ୍ରଦାୟର ନାବାଳିକାର ସନ୍ଦେହଜନକ ମୃତ୍ୟୁକୁ ନେଇ ଦେଖାଯାଇଥିବା ହିଂସାର ଆଉ ଏକ ଭାଇରାଲ ଭିଡିଓ ସାମ୍ନାକୁ ଆସିଛି । ଗତକାଲି ଆନ୍ଦୋଳନ ବେଳେ ବ୍ୟାପକ ହିଂସା ଦେଖିବାକୁ ମିଳିଥିଲା । ବିକ୍ଷୋଭକାରୀମାନେ ସ୍ଥାନୀୟ କାଳିଆଗଞ୍ଜ ଥାନାରେ ନିଆଁ ଲଗାଇ ଦେଇଥିଲେ । ଏବେ ପୋଲିସ ଉପରେ ମରଣାନ୍ତକ ଆକ୍ରମଣର ଏକ ଭିଡିଓ ସାମ୍ନାକୁ ଆସିଛି । ଗୋଟିଏ ସ୍ଥାନରେ କିଛି ଯୁବକ ସଂଘବଦ୍ଧ ଭାବେ ଏକାଧିକ ପୋଲିସ କର୍ମୀଙ୍କୁ ଅଟକ ରଖି ନିସ୍ତୁକ ମାଡ ମାରୁଛନ୍ତି । ପୋଲିସ କର୍ମଚାରୀ ମଧ୍ୟ ଆକ୍ରମଣରୁ ବର୍ତ୍ତିବା ପାଇଁ ହାତ ଯୋଡି ନେହୁରା ହେଉଥିବାରୁ ଦେଖିବାକୁ ମିଳିଛି । ଭିଡିଓଟି କାଳିଆଗଞ୍ଜ ହିଂସା ସମୟର ବୋଲି କୁହାଯାଉଥିଲେ ସୁଦ୍ଧା ପଶ୍ଚିମବଙ୍ଗ ପୋଲିସ ଏନେଇ କିଛି ସ୍ପଷ୍ଟ କରିନି । ଭିଡିଓଟି ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । କିନ୍ତୁ ଏପର୍ଯ୍ୟନ୍ତ ଭିଡିଓର ସତ୍ୟାସତ୍ୟ ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳିପାରିନି । ଦେଖନ୍ତୁ ଭିଡିଓ