PM Modi Egypt Visit: ମୋଦିଙ୍କ ସ୍ବାଗତ ପାଇଁ ପ୍ରବାସୀ ଭାରତୀୟ ଗାଇଲେ 'Yeh Dosti Hum Nahi Todenge'

କାଇରୋ: ଆଜିଠୁ 2 ଦିନିଆ ଇଜିପ୍ଟ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ ଇଜିପ୍ଟରେ ପହଞ୍ଚିସାରିଥିବା ବେଳେ ତାଙ୍କୁ ପ୍ରବାସୀ ଭାରତୀୟଙ୍କ ପକ୍ଷରୁ ସ୍ବାଗତ କରାଯାଇଛି । ସେଠାରେ କିଛି ପ୍ରବାସୀ ଭାରତୀୟ ମୋଦିଙ୍କୁ ଗୀତ ଗାଇ ସ୍ବାଗତ କରିଥିବା ଦେଖିବାକୁ ମିଳିଛି । ପ୍ରଧାନମନ୍ତ୍ରୀ ମୋଦି ତାଙ୍କୁ ଭାରତ ଆସିବା ଲାଗି ନିମନ୍ତ୍ରିତ କରିଥିବା ମଧ୍ୟ ଦେଖିବାକୁ ମିଳିଛି । କିଛି ଛୋଟ ଛୋଟ ପିଲାମାନେ ହାତରେ ଜାତୀୟ ପତାକା ଧରି ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବା ସହିତ 'ମୋଦି-ମୋଦି' ନାରା ଦେଉଥିବା ଦେଖିବାକୁ ମିଳିଛି । ପ୍ରଧାନମନ୍ତ୍ରୀ ଏହି ଗସ୍ତ ସମୟରେ ମିଶର ଦେଶର ଐତିହାସିକ ଅଲ-ହକିମ ମସଜିଦ ପରିଦର୍ଶନ କରିବେ । ଗସ୍ତର ପ୍ରଥମ ଇଭେଣ୍ଟରେ ଏହି ମସଜିଦରେ ଅଧା ଘଣ୍ଟା ସମୟ ବିତାଇବେ । ପ୍ରଥମ ଥର ଲାଗି ପ୍ରଧାନମନ୍ତ୍ରୀ ମସଜିଦ ପରିଦର୍ଶନ କରିବାକୁ ଯାଉଛନ୍ତି । ସେଠାରୁ ପ୍ରଥମ ବିଶ୍ବଯୁଦ୍ଧରେ ଶହୀଦ ହୋଇଥିବା ଭାରତୀୟ ସୈନିକମାନଙ୍କୁ ଶ୍ରଦ୍ଧାଞ୍ଜଳି ଜଣାଇବେ ମୋଦି ।