PMOରୁ ଆସିଲା ଡାକରା, ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବେ ହାଇଦ୍ରାବାଦ ଛାତ୍ରୀ

ହାଇଦ୍ରାବାଦ: 12 ବର୍ଷୀୟ ଛାତ୍ରୀ ଆକର୍ଷଣା ଏଯାବତ୍‌ ସଂଗ୍ରହ କଲେଣି 6 ହଜାର ପୁସ୍ତକ । ଏହାସହିତ ବିଭିନ୍ନ ହସ୍ପିଟାଲରେ ପ୍ରାୟ 7ଟି ଲାଇବ୍ରେରୀ ସୃଷ୍ଟି କରିଛନ୍ତି । ନିକଟରେ ହାଇଦ୍ରାବାଦର MNJ କ୍ୟାନ୍ସର ହସ୍ପିଟାଲରେ ଲାଇବ୍ରେରୀ ଖୋଲି ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସାର ପାତ୍ର ହୋଇପାରିଛନ୍ତି । ଗତ 'ମନ୍‌ କି ବାତ' କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଆକର୍ଷଣାଙ୍କ ସମ୍ପର୍କରେ ଦେଶବାସୀଙ୍କୁ ଅବଗତ କରାଇଥିଲେ । ଏବେ ଆକର୍ଷଣା ଖୁବଶୀଘ୍ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବାକୁ ଯାଉଛନ୍ତି । ଏନେଇ ତାଙ୍କ ନିକଟରୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଡକରା ଆସିଛି ।  ମନ୍‌ କି ବାତ୍‌ କାର୍ଯ୍ୟକ୍ରମରେ ନିଜ ଲାଇବ୍ରେରୀ ସମ୍ପର୍କରେ ପ୍ରଧାନମନ୍ତ୍ରୀଙ୍କଠାରୁ ପ୍ରଶଂସା ପାଇବା ପରେ ସେ ନିଜର ଖୁସିବ୍ୟକ୍ତ କରିଥିଲେ । ତାଙ୍କର ଏକ ସ୍ବପ୍ନ ଯେପରି ପୂରଣ ହୋଇଛି ବୋଲି କହିଥିଲେ ଆକର୍ଷଣା । ଏବେ ପିଏମଓରୁ ଡାକରା ଆସିବା ପରେ ସେ ବେଶ ଖୁସି ଥିବା କହିଛନ୍ତି ।  

ବ୍ୟୁରୋ ରିପୋର୍ଟ, ଇଟିଭି ଭାରତ