50th Anniversary of Dhauli: ଶାନ୍ତିସ୍ତୁପର ୫୦ବର୍ଷ ପୂର୍ତ୍ତିରେ ବୌଦ୍ଧ ସମ୍ମିଳନୀ

ଭୁବନେଶ୍ବର: ରାଜଧାନୀର ବିଶ୍ବପ୍ରସିଦ୍ଧ ଐତିହାସିକ ସ୍ଥଳୀ ଧଉଳି ଶାନ୍ତିସ୍ତୁପକୁ ଆଜି ପୂରିଛି ୫୦ ବର୍ଷ (50th Anniversary of Dhauli) । ଏହି ଅବସରରେ ଏଠାରେ ଏକ ସ୍ବତନ୍ତ୍ର ବୌଦ୍ଧ ସମ୍ମିଳନୀ ଆୟୋଜିତ ହୋଇଛି । ଏଥିରେ ଅନେକ ବୌଦ୍ଧ ଧର୍ମାଲମ୍ବୀ ମୁନିଋଷି ସାମିଲ ହୋଇଥିବା ବେଳେ ମନ୍ତ୍ରରେ ପ୍ରକମ୍ପିତ ହୋଇଉଠିଛି ଧଉଳି ପରିସର । ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେଇ ଆଗାମୀ ପିଢି ଲାଗି ଏକ ସୁରକ୍ଷିତ ଓ ଶାନ୍ତିପୂର୍ଣ୍ଣ ବିଶ୍ବ ନିର୍ମାଣ ଦିଗରେ କାର୍ଯ୍ୟ କରିବା ଲାଗି ସମାଜକୁ ଆହ୍ବାନ ଦେଇଛନ୍ତି । ଶାନ୍ତିର କୌଣସି ବିକଳ୍ପ ନାହିଁ । କେବଳ ଶାନ୍ତି ଦ୍ବାରା ହିଁ ଉତ୍ତମ ଓ ସୁନ୍ଦର ବିଶ୍ବ ସୃଷ୍ଟି ହୋଇପାରିବ ବୋଲି ମୁଖ୍ୟ ଅତିଥି ଭାବେ ଯୋଗ ଦେଇ ମୁଖ୍ୟମନ୍ତ୍ରୀ ନବୀନ କହିଛନ୍ତି । ଇଟିଭି ଭାରତ, ଭୁବନେଶ୍ୱର