Himachal Pradesh: ବାଦଲଫଟା ବର୍ଷାରେ କୁଲୁରେ ଧୋଇଗଲା ରାସ୍ତାଘାଟ ଘର, ରିଲିଫ୍‌ କ୍ୟାମ୍ପରେ ଲୋକେ

ଶିମଲା: ମାତ୍ର କିଛି ଦିନ ପୂର୍ବରୁ ଜଳ ପ୍ରଳୟରେ ଅସ୍ତବ୍ୟସ୍ତ ହୋଇପଡିଥିବା ହିମାଚଳ ପ୍ରଦେଶରେ ପୁଣି ଆରମ୍ଭ ହୋଇଛି ବର୍ଷା । ଆଜି (ମଙ୍ଗଳବାର) କୁଲୁରେ ବାଦଳଫଟା ବର୍ଷା ପରେ ଏକାଧିକ ରାସ୍ତାଘାଟ ଓ ଘର ଧୋଇଯାଇଛି । ଯୋଗାଯୋଗ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି । ଶତାଧିକ ଲୋକେ ସୁରକ୍ଷିତ ସ୍ଥାନକୁ ସ୍ଥାନାନ୍ତରଣ ହୋଇଛନ୍ତି । ପ୍ରଶାସନ ଯୋଗାଯୋଗ ସ୍ବାଭାବିକ କରିବା ପାଇଁ ପ୍ରୟାସ ଜାରି ରଖିଛି । କେହି ମୃତାହତ ହୋଇଥିବା ନେଇ ସୂଚନା ମିଳିନଥିଲେ ସୁଦ୍ଧା ବହୁ ଲୋକେ ସେମାନଙ୍କ ଆସବାବପତ୍ର ଧରି ରିଲିଫ କ୍ୟାମ୍ପରେ ଆଶ୍ରୟ ନେଇଛନ୍ତି । 

ସ୍ଥାନୀୟ ପ୍ରଶାସନ ସେମାନଙ୍କ ପାଇଁ ରନ୍ଧାଖାଦ୍ୟ ଓ ଅନ୍ୟ ଆବଶ୍ୟକ ସୁବିଧା ଯୋଗାଇବାକୁ ପ୍ରୟାସ କରୁଛି । ନିକଟରେ ପ୍ରବଳ ଲଗାଣ ବର୍ଷା ପରେ କୁଲୁ ମନାଲି ଓ ମଣ୍ଡି ଜିଲ୍ଲାରେ ବନ୍ୟା ହୋଇଥିଲା । ଏଥିରେ ଏକାଧିକ ଲୋକଙ୍କ ପ୍ରାଣହାନୀ ହେବା ସହ ପ୍ରାୟ 70 ହଜାର ପର୍ଯ୍ୟଟକଙ୍କୁ ଉଦ୍ଧାର କରିଥିଲେ ଉଦ୍ଧାରକାରୀ ଟିମ । ଏବେ ପୁଣି ପାଗ ବିଗିଡିବାରେ ଲାଗିଛି ।  

ବ୍ୟୁରୋ ରିପୋର୍ଟ, ଇଟିଭି ଭାରତ