Watch good video : ବର୍ଷାରୁ ବଞ୍ଚିବା ପାଇଁ ଛେଳି ପିନ୍ଧିଲା ରେନକୋର୍ଟ

ଚେନ୍ନାଇ : ସୋସାଲ ମିଡିଆରେ ଏବେ ଏକ ଭିଡିଓ ବେଶ ଭାଇରାଲ ହେଉଛି । ଯାହାକୁ ଦେଖି ଲୋକେ ଖୁବ ମଜା ନେଉଛନ୍ତି । ଭିଡିଓରେ ଦେଖିବାକୁ ମିଳିଛି ବର୍ଷାରୁ ବଞ୍ଚିବା ପାଇଁ ଛେଳିକୁ ପିନ୍ଧାଯାଉଛି ରେନକୋର୍ଟ । ଏହି ଭିଡିଓଟି ତାମିଲନାଡୁରର ଥାନଜାଭୁର ଜିଲ୍ଲାର ଓରଥାନାଡୁ ଅଞ୍ଚଳରୁ ଆସିଛି । ତେବେ ଏହି ଭିଡିଓ ଭିତରେ ଆଉ କିଛି ଦେଖିବାକୁ ମିଳିଛି । ଯାହାକୁ ଦେଖି ଲୋକଙ୍କ ପାଖରୁ ପ୍ରଶଂସାର ସୂଅ ଛୁଟୁଛି । ଓରଥାନାଡୁ ଅଞ୍ଚଳର ଜଣେ ଚାଷୀ ଗଣେଶାନ(୭୦) ଏହି ଛେଳିଙ୍କୁ ପୋଷିଥିଲେ । ଏମାନଙ୍କ ପାଇଁ ଏକ ଛୋଟିଆ ଘରଟିଏ ବି ବନାଇଛନ୍ତି । ହେଲେ ବର୍ଷା ଦିନରେ ଯେପରି ଏହି ଛେଳି ମାନେ ନଭିଜନ୍ତି ସେଥିପାଇଁ ଛେଳିମାନଙ୍କ ପାଇଁ ରେନକୋର୍ଟ ସିଲାଇଛନ୍ତି । ଚାଉଳ ଜରି ଅଖାକୁ ସିଲାଇ କରି ତାକୁ ରେନକୋର୍ଟ କରି ଛେଳିକୁ ପିନ୍ଧାଉଛନ୍ତି । ତେବେ ଏହି ଚାଷୀଙ୍କର ଏଭଳି କାମକୁ ଦେଖି ବେଶ ପ୍ରଶଂସା ମଧ୍ୟ ମିଳୁଛି । ଇଟିଭି ଭାରତ, ବ୍ୟୁରୋ ରିପୋର୍ଟ