ଧୁମ୍ ଧାମରେ ପାଳିତ ହେଲା ପ୍ରଭୁ ଗଜାନନଙ୍କ ପୂଜା

ପୁରୀ:ଧରାବତରଣ କରିଛନ୍ତି ଅଗ୍ରପୂଜ୍ୟ ଶ୍ରୀଗଜାନନ ।‌ ପୁରୀ ସହର ଓ ଉପକଣ୍ଠରେ ପ୍ରାୟ ୧୫୦ ରୁ ଅଧିକ ପୂଜା ମଣ୍ଡପରେ ପୂଜା ପାଇଛନ୍ତି ଗଜାନନ। ବଡ ଦାଣ୍ଡରେ ବଳଗଣ୍ଡି ଗଣପତି ସଂଘ,ମୋତି ଚାନ୍ଦ ବଜାର ବିନାୟକ ସମିତି ପ୍ରମୁଖ ବଡ ଅନୁଷ୍ଠାନ ପକ୍ଷରୁ ବେଶ୍ ଧୂମଧାମରେ ଅନୁଷ୍ଠିତ ହୋଇଛି ଗଣେଶ ପୂଜା। ବିଭିନ୍ନ ପୂଜା ମଣ୍ଡପରେ ପୂଜା ପାଉଥିବା ଗଣେଶ ଶରଧାବାଲିରେ ଆସନ୍ତା ସେପ୍ଟେମ୍ବର ୬ ତାରିଖ ସନ୍ଧ୍ୟା ୭ଟାରେ ଏକାଠି ହେବେ। ରାତି ପ୍ରାୟ ୧୦ ଟା ପର୍ଯ୍ୟନ୍ତ ଭକ୍ତମାନେ ଗଣେଶଙ୍କୁ ଦର୍ଶନ କରିବାର ସୁଯୋଗ ପାଇବେ। ଏହାପରେ ପୁରୀ ମଙ୍ଗଳାଘାଟ ସ୍ଥିତ ଅସ୍ଥାୟୀ ପୁଷ୍କରିଣୀରେ ଠାକୁରଙ୍କୁ ବିସର୍ଜନ କରିବାର ବ୍ୟବସ୍ଥା ପ୍ରଶାସନ ପକ୍ଷରୁ କରାଯାଇଛି। ଇଟିଭି ଭାରତ, ପୁରୀ