Karnataka Polls: ଫଳାଫଳ ପୂର୍ବରୁ ପ୍ରଭୁଙ୍କ ଶରଣରେ ଏଚଡି କୁମାରସ୍ବାମୀ, ମନ୍ଦିରରେ ପ୍ରିୟଙ୍କାଙ୍କ ପୂଜାର୍ଚ୍ଚନା

ବେଙ୍ଗାଲୁରୁ: କାହାର ହେବ କର୍ଣ୍ଣାଟକ । କିଏ ମାରିବ ବାଜି । କର୍ଣ୍ଣାଟକ ବିଧାନସଭା ନିର୍ବାଚନ ଭୋଟ ଗଣତି ଜାରି ରହିଛି । 224 ଆସନରେ ହୋଇଥିବା ମତଦାନ ଗଣତି ଜାରି ରହିଛି । ଫଳାଫଳ ପୂର୍ବରୁ ଭଗବାନଙ୍କ ଶରଣରେ ପଶିଛନ୍ତି କର୍ଣ୍ଣାଟକ ପୂର୍ବତନ ମୁଖ୍ୟମନ୍ତ୍ରୀ ତଥା ଜେଡି(ଏସ) ନେତା ଏଚଡି କୁମାରସ୍ବାମୀ । ବେଙ୍ଗାଲୁରୁର ଏକ ମହାଦେବ ମନ୍ଦିରରେ ପୂଜା କରିଛନ୍ତି ଏଚଡି କୁମାରସ୍ବାମୀ । ଭଗବାନଙ୍କୁ ବିଜୟ ପାଇଁ ପ୍ରାର୍ଥନା କରିଛନ୍ତି । ସେହିପରି କଂଗ୍ରେସ ନେତ୍ରୀ ପ୍ରିୟାଙ୍କା ଗାନ୍ଧୀ ମଧ୍ୟ ମନ୍ଦିରରେ ପୂଜାର୍ଚ୍ଚନା କରିଛନ୍ତି । ସିମଳାର ଜାଖୁ ହନୁମାନ ମନ୍ଦିରରେ ପୂଜାର୍ଚ୍ଚନା କରିଛନ୍ତି ପ୍ରିୟଙ୍କା । ଏବେ ଯାଏଁ ହୋଇଥିବା ଗଣତି ରିପୋର୍ଟ ଅନୁସାରେ କଂଗ୍ରେସ 114ଟି ଆସନରେ ଆଗୁଆ ରହିଥିବା ବେଳେ 70ଟି ଆସନରେ ବିଜେପି ଆଗୁଆ ରହିଛି । ଜେଡି(ଏସ) 32ଟି ଆସନରେ ଆଗୁଆ ରହିଛି । ତେବେ ଅପରାହ୍ନ ସୁଦ୍ଧା କିଏ କର୍ଣ୍ଣାଟକ ଦଖଲ କରିବ ତାହା ସ୍ପଷ୍ଟ ହୋଇଯିବ ।