ଦୀପାବଳିରେ ଭୁଲିଲେ ଦୁଃଖ, ଧାରଣାସ୍ଥଳରେ ପର୍ବ ପାଳିଲେ ଆନ୍ଦୋଳନରତ ଚାଷୀ

ଧାରଣା ଭୁଲି ଦୀପାବଳି ପାଳିଲେ ଆନ୍ଦୋଳନରତ ଚାଷୀ । ପଞ୍ଜାବର ସଙ୍ଗରୁର ଠାରେ ଗତ ଅକ୍ଟୋବର ୯ ତାରିଖରୁ ଚାଷୀମାନେ ପଞ୍ଜାବ ସରକାରଙ୍କ ବିରୋଧରେ ଧାରଣାରେ ବସିଛନ୍ତି । ଚାଷୀ ସଂଗଠନ 'ଉଗରାହନ' ପକ୍ଷରୁ ଏହି ଧାରଣା ଦିଆଯାଇଛି । ମୁଖ୍ୟମନ୍ତ୍ରୀ ଭଗୱନ୍ତ ସିଂ ମାନ୍‌ଙ୍କ ବାସଭବନ ସମ୍ମୁଖରେ ଏମାନେ ଧାରଣାରେ ବସିଛନ୍ତି । କୃଷକମାନେ ଦିଲ୍ଲୀର ସୀମା ପରି ତମ୍ବୁ ପକାଇ ପଞ୍ଜାବ ସରକାର ବିରୋଧରେ ବିରୋଧ କରୁଛନ୍ତି । କୃଷକମାନେ କହିଛନ୍ତି ସରକାର ତୃଣମୂଳ ସ୍ତରରେ ସେମାନଙ୍କ ଦାବି ପୂରଣ କରିନାହାନ୍ତି । ମାତ୍ର ଆଲୋକର ପର୍ବ ଦୀପାବଳି ଅବସରରେ ସେମାନେ ଆନ୍ଦୋଳନକୁ ବାଦ ଦେଇ ପର୍ବ ପାଳିଛନ୍ତି । ମିଷ୍ଟାନ୍ନ ଖାଦ୍ୟ ତିଆରି ସହ ଚାଷୀମାନେ ଦୀପାବଳି ପାଳିଛନ୍ତି ।