ବସ ଚଲାଇବା ବେଳେ ଡ୍ରାଇଭର ହୃଦଘାତର ଶିକାର, ଆଉ ତା ପରେ..

ଗାନ୍ଧୀନଗର: ଗୁଜୁରାଟ ଭାବନଗର ଦେଶାଇନଗରରେ ଦୁର୍ଘଟଣାଗ୍ରସ୍ତ ଯାତ୍ରୀବାହୀ ବସ । ବସ ଚଲାଉଥିବା ସମୟରେ ଡ୍ରାଇଭର ହୃଦଘାତର ଶିକାର ହୋଇଥିବାରୁ ଘଟିଛି ଦୁର୍ଘଟଣା (Driver suffered a heart attack on a running bus) । ଡ୍ରାଇଭର ଜଣକ ନିୟନ୍ତ୍ରଣ ହରାଇବା ପରେ ବସଟି ଏକ କାର ଶୋ'ରୁମରେ ଧକ୍କା ଖାଇଛି । ଯେଉଁ କାରଣରୁ ଡ୍ରାଇଭରଙ୍କ ମୃତ୍ୟୁ ଘଟିଥିବା ବେଳେ ବ୍ୟାପକ କ୍ଷୟକ୍ଷତି ମଧ୍ୟ ହୋଇଛି । ଦେଶାଇନଗର ପେଟ୍ରୋଲ ପମ୍ପ ପାଖରେ ଥିବା କାର ଶୋ'ରୁମ ନିକଟରେ ଏହି ଦୁର୍ଘଟମା ଘଟିଛି । ପୁରା ଘଟଣା ସିସିଟିଭିରେ କଏଦ ହୋଇଥିବା ବେଳେ ଡ୍ରାଇଭରଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ସ୍ଥାନୀୟ ପୋଲିସ ।