Rath Yatra: ବଡ଼ଦାଣ୍ଡରେ ହନୁମାନ ଓ ଶିବ ବେଶରେ ନୃତ୍ୟ ପରିବେଷଣ କରୁଛନ୍ତି ଭକ୍ତ

ପୁରୀ: ଘୋଷଯାତ୍ରାରେ ଦୁଲୁକୁଛି ଶ୍ରୀକ୍ଷେତ୍ର । ଘଣ୍ଟଘଣ୍ଟା ହୁଳହୁଳିରେ ପ୍ରକମ୍ପିତ ହେଉଛି ବଡ଼ଦାଣ୍ଡ । ପାରମ୍ପରିକ ବାଦ୍ୟ ଯନ୍ତ୍ର ସାଙ୍ଗକୁ ନୃତ୍ୟ ପରିବେଷଣ କରୁଛନ୍ତି ନୃତ୍ୟଶିଳ୍ପୀ ।  ହନୁମାନ ବେଶ ଧାରଣ କରି ବଡଦାଣ୍ଡରେ ନୃତ୍ୟ କରୁଛନ୍ତି ଜଣେ ଭକ୍ତ । ଗତ 15 ବର୍ଷ ହେଲା ସେ ରଥଯାତ୍ରାରେ ବନୁବେଶରେ ନୃତ୍ୟ କରିଆସୁଛନ୍ତି । ଭଗବାନଙ୍କ ନିକଟରେ ନୃତ୍ୟ କରି ବହୁତ ଖୁସି ଥିବା କହିଛନ୍ତି ଭକ୍ତ ଜଣଙ୍କ । ଅନ୍ୟ ଜଣେ ଭକ୍ତ ଶିବଙ୍କ ବେଶ ଧାରଣ କରି ବଡଦାଣ୍ଡରେ ନୃତ୍ୟ କରୁଛନ୍ତି । କିଛି ଓଡ଼ିଶୀ ନୃତ୍ୟଶିଳ୍ପୀ ମଧ୍ୟ ନୃତ୍ୟ କରୁଥିବା ଦେଖିବାକୁ ମିଳିଛି । ନୀତି ନିର୍ଘଣ୍ଟ ଅନୁଯାୟୀ ଶ୍ରୀଜିଉଙ୍କ ଆରମ୍ଭ ହୋଇଥିଲା ପହଣ୍ଡି ବିଜେ । ମୁଣ୍ଡରେ ଟାହିଆ ଲଗାଇ ଝୁଲିଝୁଲି ଆସି ରଥାରୂଢ଼ ହୋଇଥିଲେ ତିନି ଠାକୁର । ରଥରେ ଭକ୍ତଙ୍କୁ ଦର୍ଶନ ଦେଉଛନ୍ତି ମହାବାହୁ । ଆମ ମାତ୍ର କିଛି ସମୟର ଅପେକ୍ଷା । ରଥରେ ପୂଜାର୍ଚ୍ଚନା ପରେ ଅପରାହ୍ନରେ ଆରମ୍ଭ ହେବା ରଥଟଣା ।

ଇଟିଭି ଭାରତ, ପୁରୀ