କାଳିଆର କୁନି ରଥ; 5 ଇଞ୍ଚର କ୍ଷୁଦ୍ରରଥ ମହାପ୍ରଭୁଙ୍କୁ ସମର୍ପଣ କଲେ ଭକ୍ତ

ପୁରୀ: ଆଜି ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା । ଏହି ଅବସରରେ ମହାପ୍ରଭୁଙ୍କୁ ଦର୍ଶନ କରିବା ପାଇଁ ଦେଶର କୋଣ ଅନୁକୋଣରୁ ଭକ୍ତମାନେ ବଡଦାଣ୍ଡକୁ ଛୁଟି ଆସିଛନ୍ତି । ବର୍ଷକ ପରେ ଭକ୍ତ ଓ ଭଗବାନଙ୍କ ଅପୂର୍ବ ମିଳନ ହୋଇଛି । ସେହିପରି ବ୍ରହ୍ମପୁରର ଯିବଶିଳ୍ପୀ କେ. ବିଜୟ କୁମାର ରେଡ୍ଡୀ ଆଜି ବଡ଼ଦାଣ୍ଡରେ ମହାପ୍ରଭୁଙ୍କୁ ଦର୍ଶନ କରି ସେ ନିର୍ମାଣ କରିଥିବା 5 ଇଞ୍ଚ ଉଚ୍ଚତାର ଏକ କ୍ଷୁଦ୍ର ରଥ ମହାପ୍ରଭୁଙ୍କ ଉଦ୍ଦେଶ୍ୟରେ ସମର୍ପଣ କରିଛନ୍ତି । କାଗଜ ତିଆରି କରିଥିବା ଏହି କ୍ଷୁଦ୍ର ରଥକୁ ସେ ବଡ଼ଦାଣ୍ଡରେ ରଖି ମହାପ୍ରଭୁଙ୍କୁ ସମର୍ପଣ କରିଚନ୍ତି । ଆଜି ଭଳି ଦିନରେ କାଳିଆର ବଡ଼ଦାଣ୍ଡରେ ସେ ତିଆରି କରିଥିବା ରଥକୁ ଚଲାଇବାର ଅନୁମତି ମିଳିଥିବାରୁ ପୁରୀ ପ୍ରଶାସନକୁ ସେ ଧନ୍ୟବାଦ ଅର୍ପଣ କରିଛନ୍ତି । ମହାପ୍ରଭୁଙ୍କୁ ରଥ ଯାତ୍ରାରେ ପୁରୀ ଆସିବାର ସୁଯୋଗ ପାଇବା ସହ ତାଙ୍କ ଦର୍ଶନ ଲାଭ କରିଥିବାରୁ ଭାବ ବିହ୍ବଳିତ ହୋଇଛନ୍ତି ବିଜୟ ।
 

ଇଟିଭି ଭାରତ, ପୁରୀ