Congress victory: ଦଳୀୟ ନେତାଙ୍କୁ ମିଠା ଖୁଆଉଛନ୍ତି ଖଡଗେ, ଦେଖନ୍ତୁ ଭିଡିଓ

ବେଙ୍ଗାଲୁରୁ: କର୍ଣ୍ଣାଟକରେ କଂଗ୍ରେସ ଐତିହାସିକ ବହୁମତ ପାଇ ସରକାର ଗଠନ କରିବାକୁ ଯାଉଛି । ଦଳର ହାଇକମାଣ୍ଡ ମଲ୍ଲିକାର୍ଜୁନ ଖଡଗେ ବେଙ୍ଗାଲୁରରେ ପହଞ୍ଚି ସାରିଛନ୍ତି । ଦଳୀୟ କାର୍ଯ୍ୟାଳୟରେ ତାଙ୍କୁ ସମ୍ବର୍ଦ୍ଧନା ଦିଆଯାଇଛି । ପରେ ସମସ୍ତ ଦଳୀୟ ନେତାଙ୍କୁ ମିଠା ଖୁଆଇଛନ୍ତି ଖଡଗେ । ଖଡଗେଙ୍କ ସହ ଦୁଇ ମୁଖ୍ୟମନ୍ତ୍ରୀ ଦାବିଦାର କର୍ଣ୍ଣାଟକ ପ୍ରଦେଶ କମିଟି ଅଧ୍ୟକ୍ଷ ଡି.କେ ଶିବକୁମାର ଓ ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା ମଧ୍ୟ ଉପସ୍ଥିତ ଥିଲେ । ନିର୍ବାଚନରେ ରାଜ୍ୟରେ ଦଳର ଦାୟିତ୍ବରେ ଥିବା ରାଷ୍ଟ୍ରୀୟ ପ୍ରବକ୍ତା ରଣଦ୍ବୀପ ସୂର୍ୟେଓ୍ବାଲା, ଦଳର ଜାତୀୟ ସାଧାରଣ ସମ୍ପାଦକ କେ.ସି ବେଣୁଗୋପାଲ ମଧ୍ୟ ଉପସ୍ଥିତ ଥିଲେ । ଖଡଗେ ନିଜ ହାତରେ ସମସ୍ତ ମିଠା ଖୁଆଇଥିଲେ । ଆଜିଠାରୁ ମାନସମନ୍ଥନ ଆରମ୍ଭ ହୋଇସାରିଥିବା ବେଳେ ଆସନ୍ତାକାଲି ସକାଳେ ନବ ନିର୍ବାଚିତ ବିଧାୟକ ଦଳ ବୈଠକ ହେବ । ବିଧାୟକ ଦଳ ନେତା ନିର୍ବାଚିତ କରିବା ପରେ ସେ ହିଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ । ଆସନ୍ତାକାଲି ମୁଖ୍ୟମନ୍ତ୍ରୀ ଚେହେରା ସ୍ପଷ୍ଟ ହେବା ପରେ ରାଜ୍ୟପାଳଙ୍କୁ ସରକାର ଗଠନ କରିବା ପାଇଁ ଭୋଟିପାରେ କଂଗ୍ରେସ । ଦୁଇ ହେଭିଓ୍ବେଟ ଦାବିଦାର ଥିବା ବେଳେ ଆସନ୍ତାକାଲି ମୁଖ୍ୟମନ୍ତ୍ରୀ ଚେହେରା ନେଇ ଚିତ୍ର ସ୍ପଷ୍ଟ ହେବ ।