କାହିଁକି ଏମିତି କହିଲେ ପ୍ରଧାନମନ୍ତ୍ରୀ, କଂଗ୍ରେସ ମତେ 91 ଥର ଗାଳି ଦେଇଛି

ବେଙ୍ଗାଲୁରୁ: କର୍ଣ୍ଣାଟକର ବିଦରରେ ଦଳ ପାଇଁ ନିର୍ବାଚନୀ ପ୍ରଚାର ଜାରି ରଖିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି (ଶନିବାର) ନିର୍ବାଚନୀ ସଭାମଞ୍ଚରୁ ବିରୋଧୀ କଂଗ୍ରେସ ତାଙ୍କ ପ୍ରତି ବ୍ୟବହାର କରିଥିବା ଅପଶବ୍ଦର କଥା କହିଛନ୍ତି । କଂଗ୍ରେସ ତାଙ୍କୁ ଥରେ କି ଦୁଇଥର ନୁହେଁ, ବରଂ ଆଜି ପର୍ଯ୍ୟନ୍ତ 91 ଥର ଗାଳି ଦେଇ ସାରିଲାଣି । ଦଳର କେହି ସାଧାରଣ ନେତା କିମ୍ବା କର୍ମକର୍ତ୍ତା ନୁହନ୍ତି ବରଂ ଦଳର ଶୀର୍ଷ ନେତା ବି ତାଙ୍କ ପ୍ରତି ଏପରି ଅପଶବ୍ଦ ପ୍ରୟୋଗ କରିବାରୁ ବିରତ ରହିନାହାନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି । ସେହିପରି ଯେବେ ଯେବେ କଂଗ୍ରେସ ଏପରି କରି ତାଙ୍କ ସମ୍ମାନକୁ ଚୋଟ୍‌ ପହଞ୍ଚାଇବାକୁ ଉଦ୍ୟମ କରିଛି, ଜନତା ତାର ଜବାବ କଂଗ୍ରେସକୁ ଭୋଟ ମାଧ୍ୟମରେ ଦେଇଛନ୍ତି ବୋଲି କହିଛନ୍ତି ପ୍ରଧାନମନ୍ତ୍ରୀ । କେବଳ ତାଙ୍କୁ ନୁହେଁ ବରଂ କଂଗ୍ରେସର ଏହି ଅପମାନିତ କରିବା ସ୍ବଭାବ ପୂର୍ବରୁ ମଧ୍ୟ ରହିଆସିଛି । କଂଗ୍ରେସ ସମ୍ବିଧାନ ପ୍ରଣେତା ବାବା ସାହେବ ଆମ୍ବେଦକରଙ୍କୁ ମଧ୍ୟ ଦେଶଦ୍ରୋହୀ, ରାକ୍ଷସ ଆଦି ଅପଶବ୍ଦ ପ୍ରୟୋଗ କରିଥିଲା । ଏପରିକି ବାବା ସାହେବ ନିଜେ ଏକ କାର୍ଯ୍ୟକ୍ରମରେ ଏକଥା କହିଥିବା ପ୍ରଧାନମନ୍ତ୍ରୀ କହିଛନ୍ତି । ଶୁଣନ୍ତୁ କ‘ଣ କହିଥିଲେ ପ୍ରଧାନମନ୍ତ୍ରୀ