ମୁଦାଲା ନମ୍ବର 553 ଗଲେ କୁଆଡେ, ଟୁଟୁ ନାୟକକୁ ଖୋଜୁଛି ଖାରବେଳ ନଗର ପୋଲିସ

ଭୁବନେଶ୍ବର: ଇଟିଭି ଭାରତ ଓଡିଶା ସାମ୍ବାଦିକା ଦେବସ୍ମିତା ରାଉତଙ୍କୁ ଅସଦାଚରଣ ଘଟଣା । ସିନେ ପ୍ରଯୋଜକ ସଞ୍ଜୟ ନାୟକ ଓରଫ ଟୁଟୁ ନାୟକକୁ ଖୋଜୁଛି ପୋଲିସ । ଏନେଇ କଟକ ଓ ଭୁବନେଶ୍ୱରରେ ଚଢାଉ କରିଛି ପୋଲିସ ଟିମ । ଟ୍ବିନ ସିଟିରେ ଦୁଇଟି ଟିମ ଏକକାଳୀନ ଚଢାଉ କରିଥିବା ବେଳେ ସେ ଘରେ ନଥିବା ପୋଲିସ ଜାଣିବାକୁ ପାଇଛି । ତାଙ୍କ ବିରୋଧରେ ଖାରବେଳ ନଗର ଥାନାରେ 553 ନମ୍ବର ମୁଦାଲା ରହିଛି । 354, 342, 323, 294 ଭଳି ସଙ୍ଗୀନ ଦଫା ଲାଗିଛି । ସେନେଇ ତାଙ୍କୁ ଖୋଜୁଛି ଖାରବେଳ ନଗର ଥାନା ପୋଲିସ । ଶୁକ୍ରବାର ସାମ୍ବାଦିକା ଦେବସ୍ମିତା ରାଉତ ଭୁବନେଶ୍ବର ଏସ୍ କମ୍ପ୍ଲେକ୍ସରେ 'ପ୍ରଥା' ଫିଲ୍ମର ପ୍ରିମିୟର ସୋ'ର ଖବର ସଂଗ୍ରହ ପାଇଁ ଯାଇଥିଲେ । ସେଠାରେ ସେ ଖବର ଅପେକ୍ଷାରେ ଛିଡା ହୋଇଥିବା ବେଳେ ପ୍ରଯୋଜକ ଟୁଟୁ ନାୟକ ହଠାତ୍ ତାଙ୍କୁ ଏକ ଚାପୁଡା ମାରିଥିଲେ । ଏଥିରେ ତାଙ୍କର ବୁମ୍ ତଳେ ପଡି ଯାଇଥିବା ବେଳେ ଟୁଟୁ ନଉଠାଇ ଚାଲି ଯାଇଥିଲେ । ଏନେଇ ସାମ୍ବାଦିକ ଖାରବେଳ ନଗର ଥାନାରେ ଅଭିଯୋଗ କରିଥିଲେ  ।  

ଇଟିଭି ଭାରତ, ଭୁବନେଶ୍ବର