ହକ ପାଇଁ ଧାରଣାରେ ଅଙ୍ଗନବାଡି କର୍ମୀ, ମୁଖ୍ୟମନ୍ତ୍ରୀଙ୍କୁ କୁନି ପୁଅର ନିବେଦନ

ଖୋର୍ଦ୍ଧା: "ନବୀନବାବୁ... ଆମ ଅଙ୍ଗନବାଡି ଦିଦିଙ୍କ କଥା ଶୁଣନ୍ତୁ । 5 ଦିନ ହେଲାଣି ଅଙ୍ଗନବାଡି ଯାଇପାରୁନୁ କି ପାଠ ମଧ୍ୟ ପଢି ପାରୁନାହୁଁ । ଆପଣ ଆମ ଦିଦି କଥା ଶୁଣନ୍ତୁ ।" ଖନେଇ ଖନେଇ ନିଜ କୁନି ଓଠରେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି ତିନି ବର୍ଷୀୟ କୁନି ପୁଅ ଅବିନାଶ ପଣ୍ଡା । ଅଙ୍ଗନବାଡି କର୍ମୀ ନିଜ ହକ ପାଇଁ ଶୀତ କାକରରେ ଭୁବନେଶ୍ଵରର ଲୋୟର ପିଏମଜିରେ ଧାରଣାରେ ବସିଛନ୍ତି । ଫଳରେ ପିଲାଙ୍କ ପାଠ ପଢାରେ ବାଧା ସୃଷ୍ଟି ହୋଇଛି । ତେଣୁ ସେମାନଙ୍କ ଦାବି ପୂରଣ କରିବାକୁ ଅବିନାଶ ପଣ୍ଡା ଭିଡିଓ ମାଧ୍ୟମରେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି ।