ବଡ଼ଦାଣ୍ଡରେ ଭକ୍ତ ଓ ଭଗବାନଙ୍କ ମିଳନ, ଚକାଆଖିଆକୁ ଦେଖି ଭିଜିଲା ଭକ୍ତ ଆଖି

ପୁରୀ: ଭକ୍ତ ମେଳିରେ ପହଣ୍ଡିରେ ଆସି ରଥାରୁଢ଼ ହେଲେ ତିନି ଠାକୁର । ରଥରେ ଚଢ଼ି ଶ୍ରୀଜିଉ ଯିବେ ମାଉସୀ ଘର । ମହାପ୍ରଭୁଙ୍କୁ ରଥରେ ଦେଖିବା ପାଇଁ ଜନସମୁଦ୍ର ପାଲଟିଛି ବଡ଼ଦାଣ୍ଡ । ହୁଳିହୁଳି, ହରିବୋଲ ଧ୍ବନିରେ ପ୍ରକମ୍ପିତ ହୋଇ ଉଠୁଛି ସଂହଦ୍ବାର । ନନ୍ଦିଘୋଷ ରଥରେ କାଳିଆ ସାଆନ୍ତକୁ ଦେଖି ଭକ୍ତ କୃତ୍ୟକୃତ୍ୟ ହୋଇଛନ୍ତି । ଭିଜି ଯାଉଛି ଆଖି, ବଡ଼ଦାଣ୍ଡରେ ନାଚି ଯାଉଛି ମନ । ବର୍ଷକ ପରେ ରତ୍ନ ସିଂହାସନରୁ ଓହ୍ଲାଇ ଆସି ଭକ୍ତଙ୍କୁ ଦର୍ଶନ ଦେଉଛି କଳା ଠାକୁର । ମହାପ୍ରଭୁଙ୍କୁ ଦୁଃଖ ଜଣାଇବାକୁ ଭକ୍ତ ଟିଏ କାହିଁ କେତେ ଦୂରରୁ ଚାଲିଆସିଛି । ଚକା ଆଖିଆକୁ ଦେଖି ଭକ୍ତଙ୍କ ଅଧା ଦୁଃଖ ଲାଘବ ହେଇଯାଉଛି । ଆଉ କିଛି ସମୟ ପରେ ଛେରା ପହଁରା ନୀତି ଆରମ୍ଭ ହେବ । ଚାରମାଳ ଫିଟିବା ପରେ ଯୋଚାହେବେ ଘୋଡ଼ା । ଏହାପରେ ଗଡ଼ିବ ତିନିରଥ । ରଥ ଟାଣିବାକୁ ଲକ୍ଷଲକ୍ଷ ଭକ୍ତ ଅପେକ୍ଷା କରି ରହିଛନ୍ତି ।